Thakle 2:26 - Buka Blahi Ka Cheke Holo

²⁶ Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Thakle 2:26 ပူးပေါင်းရင်းမြစ်များ

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Ululahu Jone 5:5

Ba, ihei tangomana te tapla soruni puhigna nauthoglu igne? Uve, mae ihei ngala te fatutuani ni mae Jisas na thofno Thugna God.

Jone 6:29

Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Profet Daniel 7:22

Nu God mae ihei te au fabrahu funu tifa igne ne fateni hona ikoi igne ne cheke thakleni, hona igne la eni kaisei najafra biꞌo ranghidi nogna naikno God te au kligna. Eghuteuna God mae ihei te fnakno igne ginauna tusu lao nolaghi ka nogna naiknore mala funei fruni jateula king eghu.

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Profet Daniel 7:18

Nu ke leghugna igne, nogna naikno God igre ginauna funei frunini nauthoglu igne tifa tifa.’

Thakle 21:7

Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Nodi Khoje Hatimare Mae Jiu 49:14

Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Nodi Khoje Hatimare Mae Jiu 2:9

Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.