Thakle 2:24 - Buka Blahi Ka Cheke Holo

²⁴ Iara theome tusu ranghi ghami kaisei glepo te ninhigrana te mala leghuni ghotilo na. Nu iara magnahaghei te chekeni ka ghotilo khiloau te gnafa ka namono Taetira te theome leghuni farirhiu te diꞌa na, nei tiromi te magnahaghei laseni puhi te kiloni mare, ‘Nogna thofno cheke poru mae Satan.

Thakle 2:24 ပူးပေါင်းရင်းမြစ်များ

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Mae Khuru 15:28

Kau nogna baubatu mae Tharunga te Blahi na ghehati ne kaisei gaoghatho ngala mala thosei lilisei kmana vetula biꞌo ke klignami ghotilo. Nu glepo igre ngala te mala thosei edi ghotilo re: Thosei ghamu gano teke fafara ka mumuju. Thosei koꞌu dadara. Thosei ghamu gano teke lalamho falehe. Thosei eni puhi te diꞌa. Te keli na ghotilo leghudi u vetula igre. Tuana kolho, me gnafa.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Ululahu Korin 2:10

Nu God neke vahini Tharunga na mala falalase ka tahati unha teke poru na. Neubane poru fara ka gaoghathogna God na glepo igre, Tharunga te Blahi na la kulu lasedihi nei fatakledihi.

Mae Khuru 16:14

Kaisei gaꞌase jare nanghagna na Lidia. Naꞌa thaugna Taetira neke mei au jare Filipae. Nogna gloku na mala fofoli pohe ukru nei naꞌa jaola pogho soruni thofno God. Kate fanomho teu naꞌa ka mae Pol na, God ne tothora nagnafagna na ne fatutuani ni mae Jisas.

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.