Thakle 2:20 - Buka Blahi Ka Cheke Holo

²⁰ Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Thakle 2:20 ပူးပေါင်းရင်းမြစ်များ

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Thakle 2:4

Nu kaisei glepo ngala te theome magnahagheni iara ka ghotilo na. Ghotilo la kokohi puhi te keli teke namha ghau iara tifa ia.

Eksodas 34:15

“Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Ululahu Korin 10:28

Nu jame kaisei mae cheke eghu ka ghotilo, “Gano igre neke fafara ka mumuju,” ghotilo ghathoni cheke mana igne mala thosei ima gano tuana.

Ululahu Kings 17:4

Iagho ginauna na tangomana te tei koꞌu ka khoꞌu te au ka vido tuana, iara neke kulu chekehi ka nanghaji ra mala pala mei gano ka iagho.”

Ululahu Kings 17:13

Nu mae Elija ne cheke eghu ka naꞌa, “Thosei nanga nou, iagho posa ka namono mala gahu gano te chekeni iagho tuana. Nu ulu lahu na iagho eni kaisei bret ikoi ka flaoa tuana mala hata mei ka iara. Eghuteuna ke leghu na iagho tangomana te eni unha te salaꞌui na malami ghopa thumu na.

Fapea Kings 9:22

Eghuteuna King Joram ne ghusna eghu ka mae Jehu, “Jehu, iagho mei ka pharikeli?” Nu mae Jehu ne cheke eghu, “Faꞌunha tangomana te au ka pharikeli na? Idomu iagho na batudi naiknore mala pogho soru ka mumuju nei loku ka naitu!”

Profet Esikiel 13:17

Lord ne cheke eghu ka iara, “Maegna ka nauthoglu. Iagho cheke faparidi goro gaꞌasedi Israel te toutonu chaichaghi leghudi gaoghathodi thedi re are.