Thakle 2:17 - Buka Blahi Ka Cheke Holo

¹⁷ Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Thakle 2:17 ပူးပေါင်းရင်းမြစ်များ

Profet Isaia 62:2

Eghuteuna naiknodi keha kantri igre ginauna laseni te doglo ghotilo ka tathagna God, eghuteuna hatimare mae king te funei frunidi kantri igre ginauna filo fakelini puhimi ghotilo te doglo jateula te filoni mare kaisei juta biꞌo ia eghu. Eghuteuna naiknore ginauna kilo ghami ghotilo kaisei nangha majaghani. Nangha igne Lord thegna nate tusu mei ka ghotilo na.

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 3:22

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre.”

Thakle 3:6

Ihei te magnahaghei te lase fakelini unha te chekeni iara igne, mana fanomho fakeli ka unha te chekedi mae Tharunga te Blahi na ka khiloau igre.”

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Profet Isaia 65:13

Eghume, igne unha te chekeni Lord na, “Nogu mae gloku iara re ginauna ima ghedi, eghuteuna ghotilo ginauna na rofo kolho. Nogu mae gloku iara re ginauna koꞌu ghedi, nu ghotilo ginauna roi koꞌu. Nogu mae gloku iara re ginauna glealeꞌa fara, nu ghotilo ginauna mamaja nomi fara.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Jone 4:32

Nu mae Jisas ne cheke eghu ka mare, “Iara au ghegu gano te mala ghamu na, ghotilo theome laseni.”

Profet Isaia 56:4

Aonu Lord ne cheke eghu, “Keha ka iheire te theo thudi igre mare tajini fabrahu narane Sabat igne mala ghatho tahu ghau iara, nei eni unha te gleꞌani iara na, nei tajini fabrahu nogu nhaꞌa cheke iara na.

Proveb 14:10

Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.

Eksodas 16:33

Aonu mae Moses ne cheke eghu ka mae Eron, “Iagho atha kaisei suspen thina mala fafofodu ‘manna’ ke lamnagna mala lilisei ke ulugna Lord mala laseni goro sua nate karha mei thogheiro re.”

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Nonomho Te Keli Teke Risoi Mae Mak 7:16

Uve, ghotilo naikno te fanomho ka iara gre, hiro fakeli gaoghathodi cheke igre.”