Thakle 2:14 - Buka Blahi Ka Cheke Holo

¹⁴ Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Thakle 2:14 ပူးပေါင်းရင်းမြစ်များ

Fapea Pita 2:15

Mae velepuhi chaichaghi igre la snivihi ka nabrou te doglo na, eghuteuna mare la tei ihohi, eigna mare leghuni puhigna mae Belam, thugna mae Beo. Mae Belam tifa na neke magnahaghei sileni fara, neuba mana tangomana te hata ka puhi te theome doglo.

Naba 31:16

Goro gaꞌase igre site leghuni koba nogna cheke mae Balam ia! Eghuteuna reꞌe ngala te chaghidi noda mae nalhaꞌu tahati gre te rikhani Lord te leghuni god Baal-Peo igne! Ka puhi tugne site mei khabru te diꞌa igre ka tahati nogna naikno Lord grea!

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Josua 24:9

King Balak thugna Sipoa, mana nodi king naiknodi Moab ka narane tuare, mana na ari magra ka ghotilo. Mana fatei cheke ka mae Balam thugna Beo mala ari tibri ghami mala thoke ghami ghotilo puhi biꞌo.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Mae Khuru 21:25

Ghehati la riso teihi kaisei letas ranghidi naikno te theome Jiu tela ruma haghehi ka khiloau gne. U letas na cheke eghu: ‘Thosei ghamu gano teke fafara lao ka mumuju. Thosei koꞌu dadara. Thosei ghamu gano teke lalamho falehe. Thosei eni puhi te diꞌa.’ Glepo igre ngala te blahi ka ghotilo re.”

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Ululahu Korin 7:2

Nu naugna kmana naikno gnognoro fara, eghume jame te keli na mae nalhaꞌu te gnafare nabagna te hata khetogna thegna, eghuteuna gaꞌase na jaola hata khetogna langau thegna.

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Profet Esikiel 3:20

“Eghuteuna jame kaisei mae te doglo puhigna na eghuteuna figri tagruni mana puhi te keli na ne eni glepo te diꞌa na teuna, nu iagho thosei cheke kolho ka mana mala tughu puhigna te diꞌa na, mana ginauna lehe ka nakhibogna na. Iara ginauna theome ghathodi glepo te doglo teke edi mana ra, eghuteuna iara ginauna para nigho iagho eigna glehegna mana na naugna iagho neke theome kulu cheke faheta ka mana kolho.

Naba 24:14

Gognaro na iara nake pulo ka nogu naiknore. Nu iara na kulu cheke ka iagho unha nate eni naiknodi Israel gre ka nou naikno iaghore ginauna.”

Letas Teke Riso Tei Mae Pol Ka Khiloau Rom 14:21

Te keli na thosei ima nafnahi nei thosei koꞌu waen nei thosei eni kaisei glepo te tangomana te fadiꞌani nogna fatutuani kaisei kherami fofodu ka khiloau gne.

Letas Teke Riso Tei Mae Pol Ka Khiloau Rom 14:13

Naugna igne funu gognaro na, tahati thosei fateni kherada fofodu na. Eghuteuna fiofilo ghami themi, thosei eni kaisei glepo te mala batuni kheramu fofodu na ka nakhibo.

Profet Esikiel 44:12

Nu naugna mare ne batudi naiknodi Israel te tei koko ghau iara ne tei fameomekro, eghuteuna mare tarai ka mumuju, eghuteuna batudi ka nakhibo teu igre, iara nhaꞌa cheke, iara ginauna thofno paradi fara mare.

Profet Jeremaea 6:21

Naugna igne, Lord ne cheke eghu, “Iara ginauna lilisei kaisei glepo biꞌo ka nabrou na mala nogra mare. Mae kmadi baludi thudire ginauna kafe totokhei uka. Eghuteuna naikno te gnafare ginauna kafe lehe.”

Thakle 2:4

Nu kaisei glepo ngala te theome magnahagheni iara ka ghotilo na. Ghotilo la kokohi puhi te keli teke namha ghau iara tifa ia.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Letas Teke Riso Tei Mae Pol Ka Khiloau Rom 11:9

Eghuteuna mae Devet jaola neke cheke eghu eidi nogna naokare, “God, iara magnahaghei nigho te sagudi mae igre, kate gnokro gleꞌa teu mare ka nodi gaghamure. Iara magnahaghei te faꞌukadi nei tapla faparidi eghu.

Letas Teke Riso Tei Mae Pol Ka Khiloau Rom 9:32

Naugna unha ne theome thokeni nga mare? Mare theome thokeni igne naugna mare ne fariuriu doglo ka tathagna God na ka unha te edi thedire, nu theome lelheghu ka fatutuani neu. Mare uka ka thina te faꞌukadi naiknore igne,

Profet Isaia 57:14

Naiknore ginauna nomhini nogna cheke Lord igne, “Ghotilo naiknora! Ghotilo tarabana fakeli nabrou igne mala ke pulo mei nogu naikno iara ra. Ghotilo atha fadelei glepo te fanogradi mare igre mala ke pulo mei mare ka iara.”