Thakle 19:6 - Buka Blahi Ka Cheke Holo

⁶ Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 19:6 ပူးပေါင်းရင်းမြစ်များ

Nodi Khoje Hatimare Mae Jiu 97:1

Lord na mae King! Naikno te gnafa ka nauthoglu igne, ghotilo glealeꞌa ka mana! Uve, ghotilo vike te gnafara jaola kafe glealeꞌa!

Thakle 14:2

Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Nodi Khoje Hatimare Mae Jiu 93:1

Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Thakle 6:1

Kate filo teu iara na, mae Lam na ne hata koko loke ulu lahu na ka fitu loke igre. Eghuteuna iara ne nomhini kaisei ka fati glepo te karha igre ne eha fabiꞌo jateula fila neu. Mana ne cheke eghu ka kaisei mae, “Mei sagho!”

Thakle 1:15

Phei ghahegnare jaola sigla jateula bras te ngire ka khaꞌaghi eghu siasigla fara, eghuteuna naoglagna na oa'ongha jateula galo biꞌo ka thongna eghu.

Profet Esikiel 1:24

Kate flalo glepo igre, iara ne nomhidi naogladi baghidi re, naogla igre jateula naogla galo biꞌo te poha ke kligna khalaꞌe ra eghu. Eghuteuna naogla igne jateula naogladi armi biꞌo te tei ka magra ra eghu, nei jateula naoglagna God mae ihei te au nolaghi fateote'o ra eghu. Kate theome flalo na, mare lolhopo baghidire.

Thakle 21:22

Iara theome filoni kaisei Sugablahi ke lamnagna namono biꞌo na. Naugna noda Lord God mae ihei te nolaghi na phiamare Lam au fabrahu baludi naiknore, eghuteuna naikno te gnafare pogho sorudi phiamare heva heva ke lamnagna namono tuana.

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.

Thakle 4:5

Iara jaola ne filodi nakafli nei nomhidi naogladi fila biꞌo eghu ne mei funudi ka nogna sape nafnakno mae King na. Ke ulugna nogna sape nafnakno mae King na iara ne filodi fitu juta te deudeplu fabrahu, igre fitu tharunga te keli nogna God.

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Nodi Khoje Hatimare Mae Jiu 97:12

Puhimi ghotilo te gnafa na thofno doglo fara, ghotilo mala glealeꞌa nei cheke fakelini Lord mae ihei te blahi.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Profet Jeremaea 51:48

Kate mei armi gna ke raru na te goigoni ni kantri igne, thua nafnotu ka maloa kligna nei thua nafnotu ka nauthoglu teu igre ginauna glealeꞌa eha fabiꞌo, naugna Babilonia na la groꞌehi!

Nodi Khoje Hatimare Mae Jiu 47:7

God na King ka vido te gnafa ka nauthoglu igne! Tahati cheke fakelini mana ka koje!

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Thakle 19:4

Aonu varadaki fati mae biꞌo ka khiloaure baludi fati glepo te karha igre, mare turupuku ne pogho soru ka God mae ihei te gnokro teu ka nogna sape nafnakno na. Eghuteuna mare ne cheke eghu, “Amen! Tahati cheke fakelini God!”