Thakle 19:17 - Buka Blahi Ka Cheke Holo

¹⁷ Ke leghu na iara ne filoni kaisei engel kegra neu ke kligna naprai. Mana ne eha eghu fabiꞌo ka nanghaji te flalo tafri teu ka maloa re, “Khapru mei ka nogna gaghamu biꞌo God igne!

Thakle 19:17 ပူးပေါင်းရင်းမြစ်များ

Thakle 19:21

Eghuteuna mae te saghe ka hose na igne ne falehedi hatimare mae soldiare ka naflahi te jifla mei ka foflogna na. Eghuteuna nanghajire ne soru ka thinidire ne ghamu ne boho.

Thakle 8:13

Kate filo teu iara na, iara ne nomhini kaisei gaghata ne flalo ka maloa na kligna fara. Gaghata tuana ne eha eghu fabiꞌo fara, “Puhi biꞌo! Puhi biꞌo! Puhi biꞌo ranghidi iheire te au ka nauthoglu! U puhi biꞌo igne ginau fufunu ka naogladi nodi khufli thilo engel kate ifu teu igre!”

Profet Jeremaea 12:9

Nogu glose iara na gognarona jateula nodi namono khuma mata eghu, aheva nanghaji biꞌo te flalo falithui te mala ghamu glepo te glepo te lehe re. Ghotilo tei! Kilo meidi glepo te tautagu te gnafa ka namhata na are mala mei ghamu ghedi!

Profet Isaia 56:9

Lord ne cheke eghu, “Ghotilo nodi naoka mae Israel ra! Ghotilo mei jateula lion te mala mei ghamudi nogu naikno iara ra eghu.

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.

Ululahu Samuel 17:44

Mae Golia ne eha eghu tei ka mae Devet, “Mei sagho! Iara ginauna snakre lao nafnahimu iagho na ka nanghaji nei ka glepo te tautagu are eghu mala ghamu reꞌe.”

Profet Isaia 29:2

Nu iara ginauna mei goigoni ni Jerusalem, eghuteuna ghotilo ginauna au papara nei tanhi eghu koba. Eghuteuna namono igne ginauna jateula nogu olta iara te fodu ka dadara ra eghu.

Profet Esikiel 31:13

Nanghaji re horo gnoku ka pesigna gaju teke grofo igne, eghuteuna glepo te tautagu ka namhata na are tapla ka gregegna re.