Thakle 19:1 - Buka Blahi Ka Cheke Holo

¹ Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Thakle 19:1 ပူးပေါင်းရင်းမြစ်များ

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Nodi Khoje Hatimare Mae Jiu 148:1

Tahati kilo fnaknoni Lord! Uve, ghotilo naikno te hui te au klignara, ghotilo mala kilo fnaknoni Lord.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Nodi Khoje Hatimare Mae Jiu 150:1

Tahati kilo fnaknoni Lord! Tahati kilo fnaknoni God ka nogna Sugablahi na. Uve, tahati kilo fnaknoni mana eigna nogna nolaghi te au kligna.

Nodi Khoje Hatimare Mae Jiu 146:1

Cheke fakelini nanghagna Lord! Iara magnahagheni te cheke fakelini nanghagna mana na!

Nodi Khoje Hatimare Mae Jiu 115:18

Nu tahati te karha nga teu igre ginauna tegioni mana, funu gognaro tifa tifa. Tahati cheke fakelini Lord!

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Nodi Khoje Hatimare Mae Jiu 149:1

Tahati kilo fnaknoni Lord! Tahati kojeni kaisei khoje majaghani ranghini Lord. Uve, tahati kilo fnaknoni mana ke uludi iheire te kafe mei te pogho soruni ka nogna Sugablahi na.

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Nodi Khoje Hatimare Mae Jiu 104:35

Jame te keli na mana goigonidi mala theo nafudi kolho naikno te diꞌa ka nauthoglu igne, mala theo ngala kaisei naikno ka mare te karha na. Iara magnahaghei fara te kilo fnaknoni Lord fabrahu! Uve, iara mala kilo fnaknoni mana!

Profet Jeremaea 51:48

Kate mei armi gna ke raru na te goigoni ni kantri igne, thua nafnotu ka maloa kligna nei thua nafnotu ka nauthoglu teu igre ginauna glealeꞌa eha fabiꞌo, naugna Babilonia na la groꞌehi!