Thakle 18:7 - Buka Blahi Ka Cheke Holo

⁷ Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Thakle 18:7 ပူးပေါင်းရင်းမြစ်များ

Profet Sefanaea 2:15

Igne unha nate thoke mei ka naikno te au ka namono biꞌo Ninive. Eigna naikno te au ka namono igne cheke fahaehaghe eghu koba, “Namono tahati igne kaisei namono ulu fara ka keha kantri igre!” Nu theo eghu. Naugna namono te ulu tuana ginauna groꞌe theo tokagna. Eghuteuna namono tuana ginauna mala nodi namono buluka, nei sipu, nei nanigot, nei nanghaji, nei gobigna lepo te tautagu igre kolho. Eghuteuna iheire te mei filoni igne ginauna mhaghu nodi fara na suaraghi faleghu.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Nodi Khoje Hatimare Mae Jiu 45:9

Thudi gaꞌase hatimare mae king te kegra haghe ka suga te au teu iagho na baludi goro krupe te fnakno nanghadi. Kuin te kegra fei nhetamu kate gnokro teu iagho ka sape nafnakno. Naꞌa te lalaoni ka thua nafnata glepo teke hohoro ka famane gol ka kantri Ofa.

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Profet Obadaea 1:3

Nomi nagnafa fahaehaghe ghotilo eigna nomi nanheta na igne thofno jafra fara. Ghotilo filoni nomi namono biꞌo te au ka thogele te bara te maku ka thina igne ngala te fahaehagheni ghotilo te cheke eghu igne, ‘Theome tangomana kaisei mae te nheta nate mei te roꞌe ghami ghehati na.’

Ululahu Timoti 5:11

Nu iagho thosei riso soru nanghadi thau majaghani teu te lehe khetodire ka buka igne. Naugna ke leghugna te snakre laodihi thedi ka Kraes na, rehati au gaoghathodi fara ka nalhaꞌu ne ghatho ihoni nodi nhaꞌa cheke na neke tolaghi fapulo.

Thakle 18:3

Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”

Thakle 18:9

Kmana mae king neke eni puhi te diꞌa balugna naꞌa nei neke gleale'a fara te hata gobigna lepo te keli fara ka naꞌa. Tutuani mare ginauna tanhi fara nei diꞌanagnafa fara eghu, kate filoni khujogna khaꞌaghi te nhako namono igne.

Nogna Buka Esta 6:10

Mae King ne cheke eghu ka mae Haman, “Iagho faghosei tei hata mei nogu pohe brahu iara ia, eghuteuna hata mei nogu hose iara ia eghu! Iagho edi glepo igre ka mae Modikae, maegna Juda igne. Mae igne loku au agne. Iagho mala edi glepo igre, jateula te chekedi iara ka iagho igre eghu. Iagho thosei ghatho ihodi gobigna lepo kate chekedi iagho ra.”

Profet Esikiel 23:34

Iagho ginauna koꞌu ka kapu ghilei gnafa. Eghuteuna iagho ginauna poposa kapu igne, eghuteuna iagho ginauna fariuriu kusu koko chuꞌumu na ka vido ikodi. Iara Lord te cheke igne!