Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”
Thakle 18:23 - Buka Blahi Ka Cheke Holo23 Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.” အခန်းကိုကြည့်ပါ။ |
Thakle 18:23
26 ပူးပေါင်းရင်းမြစ်များ
Glepo igre ginauna thoke mei tutuani fara, naugna ghotilo ne jateula gaꞌase vine neu. Tathagna nei foflogna teu gaꞌase vine igne famane fara, eghuteuna naꞌa lase meresin mala chaghidi naiknore. Ka puhi igne ghotilo neke batudi naiknodi keha kantri igre mala leghudi puhimi ghotilo te diꞌare, eghuteuna ghotilo magnahaghedi mare mala nomi naikno sneka fabrahu. Naugna igne, Lord ginauna para ghami ghotilo.
Ginauna na theo kaisei naikno nate au ka namono biꞌo Juda nei ka nabrou Jerusalem. Iara ginauna eni glepo igne, eghuteuna puhi aublagna nei gleale'a, nei naogladi gaghamu biꞌo nei tholaghi majaghani teu igre ginauna theome nomhidi. Uve, vido kantri igne ginauna thofno krogha na theo kaisei naikno nate au tagna na.”
Iara nomi God ghotilo maemi Israel, iara Lord mae ihei te au nolaghi fateote'o. Te chekeni iara ka ghotilo na: Ghotilo ginauna thofno filo tathami ka namono igne, ka vido aheva te filo teu ghotilo na, iara ginauna thofno fahuini naogladi naikno te gleale'a nei nodi naogla gleale'a gaghamu tholaghi mae nalhaꞌu majaghani nei gaꞌase majaghani.
Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”
Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.
ကြော်ငြာတွေ