Thakle 18:15 - Buka Blahi Ka Cheke Holo

^15-16 Mae te dedei fara kate foifoli mare glualuja igre ka namono tuana na, mare ginauna mhaghu nodini fara u papara te thokeni namono tuana. Mare ginauna kegrau delei balu tanhi nei diꞌanagnafa eghu na cheke eghu, “Icho idomi, ghotilo te au ka namono biꞌo, puhi biꞌo na mei ka ghotilo! Tifa na ghotilo neke pipichi famane pohe te vegha nei te pipito nei te ukru. Ghotilo neke fahaehaghe ghami fara ka glepo te keli ka gol nei ka famane thina nei ka famane buli.

Thakle 18:15 ပူးပေါင်းရင်းမြစ်များ

Thakle 18:3

Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”

Profet Esikiel 27:31

Mare ginauna kuchi khakladi re, eghuteuna pipichi pohe thona, naugna mare ne diꞌanagnafadi fara ka iagho. Mare tanhi nodi fara ne kokhonidi fara.

Mae Khuru 16:19

Aonu kate filoni mae khotogna gaꞌase igne tela gnafa nodi puhi te mala hata nodi sileni biꞌo ka naꞌa, mare ne lokidi mae Pol ghe mae Silas. Mare korhidi phiamare ne tei ke uludi goro mae biꞌo re ka glalabagna namono na.

Nonomho Te Keli Teke Risoi Mae Mak 11:17

Ke leghugna igne mana ne farirhiudi naiknore ne cheke eghu, “Chekegna God kau grioriso te blahi na cheke eghu agne, ‘Sugagu iara na mare ginauna na kiloni suga tharai maladi naikno ka namono te gnafa ka nauthoglu igne.’ Nu ghotilo ke eni suga igne mala porudi mae iheire te lase blau re!”

Profet Sekaraea 11:5

Naikno te foli nei aknu falehe teu sipu igre ginauna theome tangomana te papara na. Eghuteuna mae te sabiri sipu igre, mare cheke eghu, ‘Tegio ka Lord! Gognarona iara kaisei mae dedei!’ Eghuteuna mae mala reireghi sipu igre jaola theome kokhonidi mare.

Thakle 18:12

Tifa na mare foifoli gol, silva, famane thina, buli, famane pohe te vegha, te pipito, nei te ukru. Pohe igre biꞌo fara silenidire. Mare foifoli thua nafnata gaju te famane fara nei thua nafnata glepo teke hohoro ka khe'i elefant nei teke hohoro ka nafnata gaju te ulu fara. Mare fofoli bras, aean, nei famane thina mabol.

Thakle 18:13

Mare jaola foifoli keha nafnata glepo te sisiri nonghari nei insens nei waen nei oel nei flaoa nei wit nei buluka nei sipu nei hose nei chariot nei naikno sneka. Nu gognaro naikno te foifoli glepo igre theome tangomanadi.

Thakle 18:14

Mare na cheke eghu ginauna, “Ghotilo naikno te au Babilon, kokhoni ghami fara! Glepo keli te magnahaghedi fara ghotilo ra la tei koko ghami. Glepo teke dedei fara ghotilo tadira nei keli tamidi teku ra, la dofidihi ka ghotilo. Eghuteuna ghotilo ginauna nake theome filodihi glepo igre.”

Thakle 18:19

Aonu mare na ghiha keha glose ka pha'udire naugna mare ne diꞌanagnafadi fara na cheke eghu balu tanhi, “Icho idomi, ghotilo te au namono biꞌo, puhi biꞌo na mei ka ghotilo! Naikno te gnafa te tei tafri ka thongna ka nodi vakare, mare dedei nodi fara naugna mare neke fofoli ka ghotilo kmana glepo te keli. Nu namono biꞌo na thono diꞌa fara ke lamnagna ka katha vido kolho.”