Thakle 17:2 - Buka Blahi Ka Cheke Holo

² Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Thakle 17:2 ပူးပေါင်းရင်းမြစ်များ

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 18:3

Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”

Profet Jeremaea 51:7

Funu tifa te mei posa gognarogne, Babilonia gne neke jateula kapu gol te louloku teu iara ka khamegu na ia eghu. Eghuteuna diꞌatagu iara na jateula kapu te fodu ka waen te raha ra eghu. Babilonia gne batudi keha kantri ka nauthoglu igne mala koꞌu ka waen te raha igne, mala jateula te koꞌu te salaꞌui ra eghu mala fameomekro tafri.

Thakle 18:9

Kmana mae king neke eni puhi te diꞌa balugna naꞌa nei neke gleale'a fara te hata gobigna lepo te keli fara ka naꞌa. Tutuani mare ginauna tanhi fara nei diꞌanagnafa fara eghu, kate filoni khujogna khaꞌaghi te nhako namono igne.

Thakle 18:23

Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.”

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Thakle 17:13

Nabotho king igre kafe loku mala tusu lao nodi nolaghi nei nodi nafnakno na ka bosu igne.

Profet Nahum 3:4

Glepo igre ginauna thoke mei tutuani fara, naugna ghotilo ne jateula gaꞌase vine neu. Tathagna nei foflogna teu gaꞌase vine igne famane fara, eghuteuna naꞌa lase meresin mala chaghidi naiknore. Ka puhi igne ghotilo neke batudi naiknodi keha kantri igre mala leghudi puhimi ghotilo te diꞌare, eghuteuna ghotilo magnahaghedi mare mala nomi naikno sneka fabrahu. Naugna igne, Lord ginauna para ghami ghotilo.

Jone 2:10

ne cheke eghu ka mana, “Funu tifa te mei na tahati kulu tufa koba waen te keli na ka naiknore. Ke leghu, kate koꞌu fara mare waen te keli na, ame tufa nga waen te theome raꞌe keli na leghu lahu eghu sia. Nu iagho ne tathaji neu ngala waen te keli na ne ghilei thoke gognaro gne.”

Thakle 2:22

Naugna igne, iara ginauna parani fara naꞌa eghuteuna naikno teke gnognoro balugna naꞌa re ginauna jaola au papara fara. Iara ginauna eni igne gognaro na jame te theome figri mare ka najafra teke edi balugna naꞌa re.

Thakle 9:21

Naikno igre jaola theome tughu nagnafa nei figri tagrudi eghu puhi te faghoreho poru ba eni puhi te diꞌa ba blau ba edi meresin te diꞌa mala falehe naikno.

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.