Thakle 17:15 - Buka Blahi Ka Cheke Holo

¹⁵ Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Thakle 17:15 ပူးပေါင်းရင်းမြစ်များ

Thakle 17:1

Kaisei mae ka fitu engel igre ne hata fitu disire ne mei ka iara ne cheke eghu, “Mei sagho, mala falalase nigho iara papara nate eni iara ka namono biꞌo Babilon te au rhedi khoꞌu te kmana igre. Namono igne fodu ka nakhibo jateula kaisei gaꞌase vine eghu.

Profet Jeremaea 51:55

Nu iara Lord ginauna goigoni ni namono igne, mala au kmu kolho naiknore nei jaola mala theo kaisei naikno te nomhidi naogladire. Hatimare mae naoka igre ginauna mei ka mare jateula goigovi biꞌo te longa te thafru mata ra eghu. Eghuteuna naogladi mare te eha fabiꞌo ka magra na igre oa'ongha jateula galo biꞌo te poha ka khalaꞌe ra eghu.

Profet Jeremaea 51:13

Ghotilo naiknomi Babilonia te au ka vido te kmana khoꞌu nei dedei fara teu ra. Nu nomi narane ghotilo te mala au papara na la namo meihi.

Thakle 11:9

Naiknodi namono te gnafa, vike te gnafa, cheke te gnafa, nei kokholo te gnafa teu igre ginauna filo ka thinidi phei mae igre naba thilo narane vidogna. Eghuteuna mare ginauna theome snakredi naiknore mala giugilui thinidi phiamare re.

Thakle 10:11

Ka vido tuana mare ne cheke eghu ka iara, “God magnahaghe nigho iagho te mala ke toutonu eidi kmana naikno ka soasopai namono, kokholo te kmana, cheke te kmana, nei hatimare mae king te kmana.”

Profet Jeremaea 51:42

Naoka igre ginauna mei jateula phobro biꞌo te mei te thafru namono ra eghu, ba galo te mei poha ke kligna thina ra eghu.

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.

Nodi Khoje Hatimare Mae Jiu 18:4

U glehe na theome tei fakhaba ghau iara. Glehe na jateula dogi te haru famaku ghau iara ia eghu, ba jateula galo te mei toku tafru ghau iara ia eghu.

Profet Jeremaea 47:2

Lord ne cheke eghu, “Filo sagho! Naoka na ginauna thugha mei ke raru jateula kaisei nabritha biꞌo eghu. Mare ginauna kafe thugha mei thafru kantri igne baludi naikno te au ke lamnadi namono igre. Naiknore ginauna eha fabiꞌo mala toghodi, eghuteuna iheire te au ka kantri igne ginauna tanhi fabiꞌo,

Profet Esikiel 31:4

Gaju igne au kmana khoꞌu, eghuteuna glokha khoꞌu te loloro ke pari glose igne toghoni gaju igne mala kotu brahu tei kligna. Khoꞌu biꞌo te jifla mei funugna ka glokha igne loloro tei faligohoni pesigna gaju igne, eghuteuna kmana khoꞌu ikodi jaola tei ka keha gaju ka namhata na are.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.