Thakle 16:5 - Buka Blahi Ka Cheke Holo

⁵ Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.

Thakle 16:5 ပူးပေါင်းရင်းမြစ်များ

Thakle 11:17

Mare ne cheke eghu, “Lord God te thofno nolaghi, ghehati cheke fakeli nigho. Iagho au fabrahu funu tifa nei jaola gognaro. Ghehati cheke fakeli nigho naugna iagho la hatahi nou nolaghi te biꞌo na te mala funei frunidi naikno te gnafare!

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Nodi Khoje Hatimare Mae Jiu 129:4

Nu Lord mae ihei te doglo fara na, mana neke atha fadelei ghitahi ka naikno te diꞌa tuare.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Profet Daniel 9:14

Lord, iagho tarabanahi te mala para ghami ghehati na, naugna iagho eni kolho unha puhi te doglo na, nu ghehati theome tangomana te leghuni nou cheke iagho na.

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 16:4

Aonu fatilo engel na ne tei ne totofa nogna dis na ke kligna khoꞌu ba glokha. Eghuteuna khoꞌu nei glokha teure jaola ne kafe dadara.

Jone 17:25

“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”