Thakle 16:17 - Buka Blahi Ka Cheke Holo

¹⁷ Fafitu engel na ne tei ne totofa nogna dis na ka maloa na. Eghuteuna kaisei cheke ne jifla mei ka mae ihei te gnokro ka nogna sape nafnakno mae king te au ka Sugablahi na, ne eha eghu fabiꞌo, “La gnafahi!”

Thakle 16:17 ပူးပေါင်းရင်းမြစ်များ

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Jone 19:30

Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Thakle 16:1

Aonu iara ne nomhini kaisei cheke ne jifla mei ka Sugablahi na, ne eha eghu fabiꞌo ka fitu engel re, “Tei totofa fitu dis te fodu ka diꞌatagna God are ke kligna nauthoglu.”

Thakle 14:17

Iara ne filoni keha engel na ne jifla mei ka Sugablahi na kligna. Mana jaola au kaisei naflahi thagho te fnonu fara.

Thakle 14:15

Aonu iara ne filoni kaisei engel ne jifla mei ka Sugablahi na. Mana ne eha eghu fabiꞌo ka mae te gnokro teu ka grokho na, “Fatedi naikno te diꞌa te au ka nauthoglu igne! Fate igne jateula kaisei mae te hata naflahi thagho te mala kato gano tela ghanohira eghu. Naugna gognaro thofno narane gna te mala eni igne, naugna naikno te gnafa ka nauthoglu gne la naba mala fatehi.”

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”