Thakle 16:15 - Buka Blahi Ka Cheke Holo

¹⁵ Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”

Thakle 16:15 ပူးပေါင်းရင်းမြစ်များ

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Matiu 25:13

Aonu, gnafa thonu tuana mae Jisas ne cheke eghu ka mare, “Eghume, ghotilo tarabana nomi koba. Naugna ghotilo theome laseni narane mala ke pulo meigu iara na.”

Fapea Korin 5:3

Naugna kate au tahati ka thini te majaghani na, thini te majaghani igne na au fabrahu ka tahati tifa tifa.

Nonomho Te Keli Teke Risoi Mae Mak 14:38

Mana ne cheke eghu ka thilomare, “Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha glepo te doglo na, nu thinimu iagho na nigra fara.”

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Ululahu Tesalonika 5:6

Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Profet Isaia 47:3

Eghuteuna naiknore ginauna filoni te soesole iagho na, eghuteuna iagho ginauna mamaja nou fara. Babilonia! Iara ginauna nake tughu fapulo glepo diꞌa teke edi iaghora, eghuteuna theo kaisei naikno nate fanagri ghau iara na.”

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Profet Esikiel 16:37

Eghume, iara Lord God ginauna hata mei gnafa mae nalhaꞌu teke namhadi nei tiroudi teku iagho ra mala khapru mei. Eghuteuna iara ginauna hata koko pohemu iagho are kate kegra falithui nigho iagho teu mare na, mala tangomana mare te filo nigho kate soesole teu iagho na.

Profet Habaku 2:15

“Kokhoni ghami fara ghotilo iheire te diꞌatami fara ka naiknodi keha kantri te au faligoho ghami ghotilo are. Ghotilo thofno goigonidi fara eghuteuna kelitami te famamajadi naikno igre la ghilei glaꞌe soru.

Profet Hosia 2:3

Jame te theome lilisei naꞌa puhi te diꞌa igne na, iara ginauna mei hata koko nogna pohe naꞌare mala soesole tafri naꞌa jateula teke karha mei ka idogna na tifa ia eghu naꞌa ke uludi naiknore. Iara na eni igne ka naꞌa mala jateula namono nagou te theo kaisei naikno te au tagnara, ba jateula naikno te roi koꞌura eghu naꞌa.

Eksodas 32:25

Moses filodi naiknore ne tei tafri kolho, naugna Eron neke theome fariuriu lhotidi naikno igre. Eghume ka tathadi nodi naokare mare mamaja nei thofno fameomekro eghu kolho.

Ululahu Tesalonika 5:4

Nu kheraguro, ghotilo theome au kate romno. Eghume narane tuana ginauna theome farhani ghami ghotilo jateula kaisei mae te mei ka suga na te mala blau.

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Thakle 22:7

Mae Jisas neke cheke eghu, “Iagho fanomho fakeli! Iara ginauna theome raugha ke pulo mei! Iheire te leghudi chekegna God te risodi ke lamnagna buka na igre, mare keli tadi fara.”