Thakle 16:14 - Buka Blahi Ka Cheke Holo

¹⁴ Thilo naitu igre au nodi nolaghi mala eꞌei kofubobhoi. Aonu thilomare ne tei mala filodi hatimare mae king te gnafa ka nauthoglu gne, mala salo fodudi mare ka narane tuthuana na mala magra balugna God, mae ihei te au nolaghi fateote'o.

Thakle 16:14 ပူးပေါင်းရင်းမြစ်များ

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Ululahu Timoti 4:1

Mae Tharunga te Blahi neke thono cheke fara eidi keha naiknore ginauna tei kokoni nodi fatutuani na ka narane te mei thogheiro re. Mare ginauna leghudi keha naitu te lase chaichaghi fara re, eghuteuna mare ginauna leghu dila nogna farirhiu mae Satan.

Thakle 20:8

Mana ginauna jifla mala ke chaichaghidi naiknore ka namono te gnafa ka nauthoglu igne. Mare kilodi namono igre Gog ghe Magog. Mae Satan ginauna salo fodu naiknodi namono te gnafa igre mala magra ka nogna naikno God re. Naikno te phile ka mae Satan gre ginauna kmana fara jateula nusu ka glilihi na are eghu.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Thakle 16:16

Aonu, thilo naiture ne salo fodudi hatimare mae king ka kaisei vido te kiloni mare ka cheke Hibru na, “Amagedon.”

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Fapea Tesalonika 2:9

Mae mala huhughuni vetula igne ginau mei ka nogna nolaghi mae Satan, eghuteuna mana ginauna edi kmana kofubobhoi chaichaghi, fagaglana nei glepo biꞌo mala jaglo naiknore.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Thakle 13:3

Kaisei pha'ugna bosu tuana ne fnera, jateula teke falelehe hira eghu. Nu nafnera ka pha'ugna na kela mafohi. Eghuteuna naikno te gnafa ka nauthoglu gne thono jaglo nodi fara ka bosu tuana, ne leghuni puhigna bosu na.

Thakle 6:17

Naugna gognaro gne, la thokenihi nodi narane biꞌo phiamare te mala para ghami ghehati na! Theo kaisei naikno te tangomana te kegra fanograni glepo igne ginauna!”

Profet Esikiel 14:9

“ ‘Jame kaisei mae chaghini kaisei mae profet, eghuteuna mae profet igne tusu lao kaisei cheke tughu chaichaghi, mana ginauna jateula iara Lord te chaghini na eghu. Eghuteuna iara ginauna roꞌeni mana ka nogu naiknore.

Luku 2:1

Ka narane tuana, mae Funei Sisa Aghastus gna Rom na ne eni kaisei vetula mala riso nanghadi naikno te gnafa te au ka provins fateo te funei frunidi mana re.

Ululahu Kings 22:6

Aonu mae king Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka king gna Siria jare Ramot-Gilead, ba theo?” Hatimare ne cheke eghu ka mana, “Uve king, tei sagho. Noda Lord ginauna togho nigho mala uluni iagho magra na!”

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Josua 11:5

Mae king igre tei ne au ka khoꞌu Merom. Mare salo fodu jare mala tei magra ka mae Israel.