Thakle 16:12 - Buka Blahi Ka Cheke Holo

¹² Aonu fafamno engel na ne tei ne totofa nogna dis na ke kligna khoꞌu biꞌo te kiloni Iufretis. Eghuteuna khoꞌu na ne khapra. Eghume te khapra igne kaisei nabrou mala teidi hatimare mae king di ke maghatire.

Thakle 16:12 ပူးပေါင်းရင်းမြစ်များ

Thakle 9:14

Cheke igne ne cheke eghu lao ka fafamno engel na, “Fati engel teke haru mare ka Khoꞌu biꞌo Iufretis ra, iagho mala ke snakre teidi mare!”

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Profet Isaia 44:27

Kate cheke iara na, nhorora nei khoꞌu biꞌo teu igre ginauna krango dofidi.

Profet Isaia 41:25

“Iara neke kulu vahinihi kaisei maegna ke raru la meihi gognarona. Mae igne tangomana te fafnaknoni Nanghagu iara te Blahi na, eghuteuna iara gognarona hata meini mana funu ke raru mala faparidi nei tapla sorudi eghu hatimare mae king, jateula kaisei mae te tapla ke kligna chopu te mala hohoro suspen thina tagna ra eghu.

Profet Isaia 42:15

Iara ginauna goigoni fahui thogele nei gukhu teu are, eghuteuna iara ginauna cheke ranghidi buburu nei gaju teu are mala kafe lehe. Eghuteuna khoꞌu biꞌo nei seu teu are ginauna khapra fara.

Profet Isaia 11:15

Lord ginauna cheke ranghini Thongna Ukru na mala khapra. Eghuteuna mana ginauna cheke ranghini nuri te brana na mala ghaghafa mei ka Khoꞌu biꞌo Iufretis mala ghilei khapra soru. Eghuteuna mana ginauna fofota khoꞌu igne ka fitu khoꞌu ikodi mala bligi ka naiknore te kasa ka keha phile na.

Thakle 17:15

Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Thakle 7:2

Aonu iara ne filoni kaisei engel ne thakle mei ke maghati. Mana louloku kaisei glepo te mala eni fagaglana ne lilisei ka greredi nogna naikno God re. Engel igne ne eha fabiꞌo ka keha fati engel re. God neke tusu lao nolaghi ka fati engel igre mala goigonidi glose nei nhorora.

Profet Isaia 46:11

Iara ginauna kilo meini kaisei maegna ka vido te khaba fara ke maghati, eghuteuna mana ginauna ghosei mei jateula kaisei gaghata te ghosei te tava te soru mei funugna kligna te atha ghegna ganora eghu. Mae igne ginauna mei edi gobigna lepo teke ghathodi iara re. Iara neke chekehi igne, eghuteuna iara ginauna edi glepo igre jateula teke chekeni iara ia eghu.

Thakle 11:14

Igne gnafa gna fapea papara biꞌo na, nu ginauna theome raugha ke meigna fatilo papara te diꞌa na.

Profet Isaia 8:7

Naugna igne, iara ginauna snakreni mae king gna Asiria balu nogna soldia mala mei magra ka mare. Nogna armi mae king gna Asiria igne ginauna mei jateula Khoꞌu biꞌo Iufretis te britha te namo thafru vido te gnafa ra eghu. Armi igne ginauna toku tafru noda kantri tahati igne Juda. Nu God ginauna reireghi fakelidi nogna naiknore jateula kaisei gaghata te toku tafru ghegna ganore ka phei baghigna ra eghu. Imanuel iagho au balumi ghehati!”