Thakle 16:11 - Buka Blahi Ka Cheke Holo

¹¹ Eghuteuna naiknore ne funu cheke faparini God gna kligna na, naugna khabru nei thubu biꞌo eghu ne au ka thinidire. Nu mare tirodi tughu nagnafa nei figri tagrudi eghu unha glepo te diꞌa teke edi thedire.

Thakle 16:11 ပူးပေါင်းရင်းမြစ်များ

Thakle 16:9

Neubane thunu ngau, naiknore heta ghedi te cheke faparini nanghagna God mae ihei te au nolaghi frunidi papara biꞌo igre. Nu naiknore ne tirodi tughu nagnafa nei tirodi pala hagheni neu nanghagna God na.

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Thakle 16:2

Mae engel ulu lahu na jifla ne tei totofa nogna dis na ke kligna nauthoglu. Eghuteuna thubu te diꞌa fara na ne thokedi naikno te au nogna fagaglana bosu na nei iheire te pogho soru ka mumuju gna bosu na.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Thakle 2:21

Iara neke lilisei ranghini naꞌa narane mala tughu nagnafa na, nu naꞌa ne tirogna kolho.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Nodi Khoje Hatimare Mae Jiu 136:26

Tahati cheke fakelini noda God mae ihei te au teu kligna! Mana ne namha ghita tahati tifa tifa!

Esra 7:23

Jame God gna Kligna igne cheke ka Esra mala toredi gobigna lepo ba edi keha glepo malagna nogna Sugablahi mana na teuna, ghotilo mala edi gobigna lepo aheva te tangomana ghami ghotilo te mala toghoni mana na. Glahula diꞌatagna God ka iara baludi thugu iara gre nei nogu provins iara gne eghu.

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Nehemaea 2:4

King nomhini cheke igne ne ghusna eghu ka iara, “Unha te magnahagheni iagho na mala togho nigho iara?” Aonu iara ghosei ne tarai ka God gna Kligna,

Nehemaea 1:4

Kate nomhini iara cheke igne, iara gnokro pari ne tanhi nogu. Ka phei ba thilo narane, iara ne theome ghamu ne diꞌanagnafa nei tanhi neu kolho. Eghuteuna iara ne tarai fabrahu ka God gna kligna,

Esra 7:21

“Iara King Atasekses, iara cheke faheta cheke igre ka nogu mae biꞌo iara te fiofilodi sileni gna provins ke mosu Khoꞌu biꞌo Iufretis. Unha Pris Esra mae velepuhi gna Vetula nogna God gna Kligna igne mei te tore gobigna lepo igre ka ghotilo na, ghotilo mala faghosei tusu lao glepo igre ka mana.

Esra 7:12

“Iara King Atasekses, mae ihei te king frunidi keha king te gnafa ka nauthoglu igne, “Iara tusu ari cheke igne ka iagho Pris Esra, iagho mae velepuhigna nogna vetula God gna kligna. “Iara kubae nigho.

Fapea Kronikols 36:23

“King Saeras gna Pesia neke cheke eghu: “ ‘Lord, God gna kligna, neke vahi ghau iara mala funei frunidi kantri te gnafa ka nauthoglu igne. Eghuteuna mana jaola neke vahi ghau iara mala ke babana fapulo nogna Sugablahi mana igne Jerusalem, te au ka kantri Juda. Iara toreni God gna Israel mala au baludi nogna naiknore! Iheire teke magnahaghei figri na, mare tangomana teke pulo Jerusalem mala ke babana fapulo nogna Sugablahi Lord, nodi God mae Israel, te pogho soruni mare Jerusalem.’ ”

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Fapea Kronikols 28:22

Kate au ka puhi biꞌo na, King Ehas ne theome fatutuani ka Lord ne edi kmana puhi te diꞌa.