Thakle 15:8 - Buka Blahi Ka Cheke Holo

⁸ Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Thakle 15:8 ပူးပေါင်းရင်းမြစ်များ

Profet Isaia 6:4

Eghuteuna kate khoje fabiꞌo eghu mare igne, iara ne haimini Sugablahi na ne nghali, eghuteuna iara ne filoni Sugablahi na te fodu ka gagahu.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Nodi Khoje Hatimare Mae Jiu 29:9

Chekegna Lord na ne fakheudi u gaju ok te biꞌo fara re ne brusu khakladire. Eghuteuna naikno te au teu ka nogna Sugablahi Lord na, mare ne kafe eha eghu fabiꞌo, “Tahati cheke fakelini nanghagna God!”

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Lamentations 3:44

Diꞌatamu iagho na jateula khoveo te thuta ra eghu, eghuteuna nomi tharai ghehati gre theome ari posa ka iagho.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Thakle 21:11

Eghuteuna siasigla gna nogna nolaghi God na ne siasigla lao ka namono na. Siasigla fara jateula kaisei famane thina jaspa te klino fara jateula thiro eghu.