Thakle 15:4 - Buka Blahi Ka Cheke Holo

⁴ Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 15:4 ပူးပေါင်းရင်းမြစ်များ

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Jeremaea 10:7

Naikno te gnafa igre mala ghatho tahu nigho iagho, naugna iagho king frunidi kantri te gnafa igre. Theo kaisei mae glalase ba mae king te jateula iagho teu ka vido te gnafa ka nauthoglu igne.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Profet Sekaraea 14:16

Aonu leghu finogha na, naiknodi keha kantri teke mei magra Jerusalem igre karhau, mare ginauna mei Jerusalem mala kilo fnaknoni Lord, King ihei te au nolaghi fateote'o, nei mala eni Narane biꞌo te mala Au ka Grorofe Ikoi.

Profet Isaia 25:3

Eghume naiknodi kantri te au nodi nolaghi igre, ginauna ghatho tahu nigho. Naiknodi namono biꞌo te paradi keha naikno gre, ginauna mhaghu nigho.

Profet Isaia 45:23

Iara la enihi kaisei nhaꞌa cheke, eghuteuna nhaꞌa cheke igne theome tangomana na teke tuthughu na. Nogu nhaꞌa cheke iara igne tutuani fabrahu. Ghotilo te gnafa na mala kafe mei tuturupuku ke ulugu iara, eghuteuna ghotilo nhaꞌa cheke mala leghu ghau iara.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Ululahu Pita 1:16

Naugna ka grioriso te blahi na God neke cheke eghu, “Ghotilo mala au blahi, naugna iara au blahi.”

Profet Sekaraea 2:11

Ka narane tuana kmana naikno ka keha kantri are ginauna mei ka iara Lord mala loku fodu balumi ghotilo nogu naikno iara ra, eghuteuna iara ginauna au balumi ghotilo gnafa.” Ka puhi igne, ghotilo ginauna lase ghau iara Lord mae ihei te au nolaghi fateote'o igne te kuru mei ghau iara ka ghotilo na.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 111:9

Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Nodi Khoje Hatimare Mae Jiu 105:7

Lord na noda God tahati. Eghuteuna mana funei frunidi naikno te gnafa ka nauthoglu igne.

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 22:3

Nu neuba, iagho God te blahi, iagho king gna Israel te gnokro teu kau sape nafnakno, ghehati cheke fakeli nigho.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Profet Isaia 60:5

Kate filoni ghotilo igne, ghotilo ginauna na glealeꞌa fara. Naugna mare ginauna atha mei dedei funudi ka keha kantri delei. Tutuani, mare ginauna atha mei ka ghotilo famane glepo te ninhigrana fara folidi re.

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 24:15

Eghuteuna naikno te au ke maghati ra ginauna ghatho tahuni Mana. Naikno te au ke raru ra cheke fakelini nanghagna Lord, nodi God mae Israel.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Nodi Khoje Hatimare Mae Jiu 97:8

Lord God, naiknodi ka namono biꞌo Jerusalem nei naiknodi ka provins Juda teu igre thofno glealeꞌa fara, naugna iagho ne paradi nodi naokare.

Nodi Khoje Hatimare Mae Jiu 22:23

Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Thakle 16:5

Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.