Thakle 14:8 - Buka Blahi Ka Cheke Holo

⁸ Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 14:8 ပူးပေါင်းရင်းမြစ်များ

Profet Isaia 21:9

Eghuteuna iara ne filoni kaisei mae ne mei ka hose. Eghuteuna mae igne ne cheke eghu, ‘Babilonia na la groꞌehi! Nodi mumuju god mae Babilonia ra la khokohi pari ka glose na la klopahi gognarona!’ ”

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Thakle 11:8

Eghuteuna thinidi phia mae igre ginauna thuru jare ka nabrou biꞌo gna namono na, eigna tifa na mare neke tupijuruni nei faleheni neku nodi mae funei phiamare na ka gaju fafatha. Nanghagna namono biꞌo igne, Sodom ba Ijep. Igne kaisei cheke naba eigna namono biꞌo Jerusalem.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 17:18

Eghuteuna gaꞌase te filoni iagho igne, tuana ngala namono biꞌo Babilon te funei frunidi hatimare mae king gna nauthoglu igne.”

Profet Nahum 3:19

Iagho jateula kaisei mae te fnera eghu, eghuteuna theo kaisei meresin te mala famafogna na. Thubumu iagho igne ginauna falehe nigho iagho. Eghuteuna ihei te nomhini igne ginauna kelitagna fara na proaprosa. Naiknore na kelitadi fara ka glehemu iagho na, naugna iagho neke paradi fara naiknore.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Jeremaea 51:64

Aonu iagho na cheke eghu, ‘Babilonia gne ginauna plulu pari jateula pepa brahu igne eghu, eghuteuna naꞌa ginauna na theome tangomana nate ke kegra haghe na. Naugna, iara Lord ginauna goigoni ni namono igne.’ ” Igne gnafa gna nogna cheke mae profet Jeremaea.

Profet Isaia 13:1

Lord neke cheke ka mae Isaia thugna mae Emos eigna Babilonia.

Profet Jeremaea 50:1

Igne cheke gna Lord teke toutonu ranghini profet Jeremaea eigna namono biꞌo Babilon baludi keha namono biꞌo te au ka kantri Babilonia. Lord neke cheke eghu: