Thakle 14:7 - Buka Blahi Ka Cheke Holo

⁷ Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Thakle 14:7 ပူးပေါင်းရင်းမြစ်များ

Eksodas 20:11

Naugna ka fafamno narane na iara Lord neke vuavuhadi nauthoglu, maloa, nhorora nei gobi nafnotu fateote'o te au ke lamnadi. Nu ka fafitu narane na, iara neke gnafa. Naugna igne, iara Lord neke fablahini narane Sabat gne mala nogu narane iara.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Thakle 18:10

Mare ginauna kegra delei kolho, naugna mare mhaghuni fara papara te thokeni namono igne. Eghuteuna mare ginauna cheke eghu, “Icho idomi, puhi biꞌo na mei ka ghotilo naikno te au Babilon! Ghotilo te au ka namono biꞌo te nolaghi nei dedei fara, nu ka katha vido kolho te thoke ghami ghotilo papara na.”

Thakle 16:9

Neubane thunu ngau, naiknore heta ghedi te cheke faparini nanghagna God mae ihei te au nolaghi frunidi papara biꞌo igre. Nu naiknore ne tirodi tughu nagnafa nei tirodi pala hagheni neu nanghagna God na.

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Nodi Khoje Hatimare Mae Jiu 124:8

Lord mae ihei teke vuavuhadi maloa ghe nauthoglu gre ngala te mala togho ghita na.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Profet Isaia 40:6

Iara neke nomhini kaisei naogla ne cheke eghu, “Iagho eha tei!” Aonu iara ne ghusna eghu, “Unha nate chekeni iara na?” Naogla igne neke cheke eghu ka iara, “Iagho na cheke eghu: Naikno te gnafa igre ginauna theome au raugha ka nauthoglu igne na jateula buburu eghu kolho, eghuteuna nodi glepo te keli re jateula chechenge eghu kolho.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Profet Hosia 8:1

Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Isaia 42:12

Ghotilo te au ka gratha ra ba ka kantri te khaba ra, ghotilo mala kilo fnaknoni Lord, nei pala hagheni Nanghagna mana na.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Nodi Khoje Hatimare Mae Jiu 36:1

U nakhibo na au ka thi'agna mae te gnognoro na eghuteuna mana leghuni fabrahu puhigna nakhibo na. Mae te gnognoro igne tirogna mhaghuni God, nei theome ghatho tahuni eghu God.

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Thakle 8:10

Fatilo engel na ne ifu nogna khufli na. Eghuteuna kaisei nathunu biꞌo jateula juta jeklo teu filogna na ne soru mei ka maloa na ne khoko soru ke kligna fatilogna khoꞌu biꞌo nei glokha.

Luku 17:18

Ba, ne faꞌunha si mae te theome mae Jiu igne ngala teke pulo mei teke kilo fnaknoni God gnea?”

Profet Daniel 8:19

Eghuteuna mana ne cheke eghu ka iara, “Iara ginauna falalase ka iagho unha nate thoke mei ginauna, naugna God na diꞌatagna fara. Mifi te filoni iagho igne thotoghale eidi gobigna lepo fateote'o igre ginauna hui ka narane leghu lahu na. Gobigna lepo igre ginauna thoke mei jateula teke filodi iagho ka mifi na igne eghu.

Profet Esikiel 7:6

Narane leghulahumi ghotilo na la mei! Puhi biꞌo la mei mala thoke ka ghotilo, nomi narane ghotilo ra la gnafahi.

Profet Esikiel 7:2

“Maegna ka nauthoglu. Iara Lord te cheke eghu ka iheire te au ka nodi glose naiknodi Israel: “ ‘Ghotilo la gnafahi! Narane te mala goigoni nomi namono te gnafa ghotilo re la meihi.

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Profet Isaia 40:9

Ghotilo naiknomi Saion ra! Ghotilo haghe ka thogele biꞌo gro, mala toutonuni nonomho te keli na. Ghotilo naiknomi Jerusalem ra thosei mhaghu te mala ehani nonomho te keli igne. Ghotilo tei cheke eghu ka namono biꞌo Juda, “Filo si ghotilo! Noda God tahati na la meihi gognarona!”

Profet Isaia 40:3

Iara neke nomhini kaisei naogla neke eha eghu mei, “Ghotilo tarabana nabrou ka namono nagou malagna Lord! Uve, ghotilo fadoglo nabrou malagna noda God!

Nodi Khoje Hatimare Mae Jiu 95:5

Mana neke vuavuha thonga nei moumolu la ngau eghu. Uve, thua nafnotu igre au kolho ka khamegna mana.

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Thakle 18:19

Aonu mare na ghiha keha glose ka pha'udire naugna mare ne diꞌanagnafadi fara na cheke eghu balu tanhi, “Icho idomi, ghotilo te au namono biꞌo, puhi biꞌo na mei ka ghotilo! Naikno te gnafa te tei tafri ka thongna ka nodi vakare, mare dedei nodi fara naugna mare neke fofoli ka ghotilo kmana glepo te keli. Nu namono biꞌo na thono diꞌa fara ke lamnagna ka katha vido kolho.”

Thakle 18:17

Nu nomi thua glepo te keli ghotilo igre na ghosei dofidi ke lamnagna ka katha vido kolho.” Eghuteuna hatimare mae kapten baludi mae pasenja nei hatimare mae boskru nei keha mae te loku ka vaka, mare ginauna jaola kegra filou kolho delei.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Matiu 25:13

Aonu, gnafa thonu tuana mae Jisas ne cheke eghu ka mare, “Eghume, ghotilo tarabana nomi koba. Naugna ghotilo theome laseni narane mala ke pulo meigu iara na.”

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.