Thakle 14:2 - Buka Blahi Ka Cheke Holo

² Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 14:2 ပူးပေါင်းရင်းမြစ်များ

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Thakle 1:15

Phei ghahegnare jaola sigla jateula bras te ngire ka khaꞌaghi eghu siasigla fara, eghuteuna naoglagna na oa'ongha jateula galo biꞌo ka thongna eghu.

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Nodi Khoje Hatimare Mae Jiu 33:2

Ghotilo koje ka gita mala cheke fakelini nanghagna Lord.

Fapea Samuel 6:5

Aonu mae Devet nei kmana naiknodi Israel eghu ne ragi balu koje mala kilo fnaknoni nanghagna Lord. Mare lalahu gita, tamborin, belo nei sesele.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Thakle 18:22

Tutuani, ginauna theo kaisei naikno nate lalahu gita nei koje nei ifu nei kufli teu ke lamnagna nou namono iagho na. Ginauna theo kaisei naikno nate loku ke lamnamu iagho na, eghuteuna ginauna theo kaisei naikno te eni flaoa ka bret na.

Thakle 11:12

Aonu ka vido tuana phei mae profet igre ne nomhini kaisei cheke ne cheke mei funu kligna, ne eha eghu fabiꞌo, “Mei, haghe agne!” Kate filo leuleghu teu nodi naoka phiamare re, phiamare ne haghe kligna ke lamnagna kaisei grokho.

Thakle 6:1

Kate filo teu iara na, mae Lam na ne hata koko loke ulu lahu na ka fitu loke igre. Eghuteuna iara ne nomhini kaisei ka fati glepo te karha igre ne eha fabiꞌo jateula fila neu. Mana ne cheke eghu ka kaisei mae, “Mei sagho!”

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Nodi Khoje Hatimare Mae Jiu 93:4

Nu iagho funei teu kligna na thono haghe salaꞌudi fara oa'onghadi nhorora gre. Uve, nou nolaghi iagho na thono biꞌo salaꞌudi fara nodi nolaghi nhorora gre.

Nodi Khoje Hatimare Mae Jiu 57:8

Gognaro gne iara dofra! Iara na lalahu gita nei hukalele eghu. Uve, kate gagra pasa na iara na koje balu kilo fnakno.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.

Profet Sekaraea 9:14

Lord ginauna mei ka nogna naiknore, eghuteuna jata te fada mana na kafli jateula nakafli eghu. Lord ginauna ifu nogna trampet biꞌo na, eghuteuna kate nolo te mei na, mana ginauna jateula nuri biꞌo te ghaghafa mei ke mata ra eghu.

Profet Isaia 17:13

Nu neuba mare ne chari ne mei jateula galo biꞌo te longa te poha mata ra neu ka tahati, kate cheke Lord ka mare na, mare ginauna kafe figri na rikha. Eghuteuna mana na ngolhi fajifladi mare, eghuteuna mare na flalo jateula khakla gaju moja te flalo te tei ka nuri ra eghu kolho.

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Nodi Khoje Hatimare Mae Jiu 147:7

Tahati koje kilo fnaknoni Lord. Uve, tahati koje ka gita ranghini God.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.

Fapea Kronikols 20:28

Kate mei Jerusalem, hatimare mae Livaet ne lalahu ka thua nafnata gita, nei ifu ka trampet eghu ne kafe tei ka Sugablahi na mala kilo fnaknoni Lord.