Thakle 14:15 - Buka Blahi Ka Cheke Holo

¹⁵ Aonu iara ne filoni kaisei engel ne jifla mei ka Sugablahi na. Mana ne eha eghu fabiꞌo ka mae te gnokro teu ka grokho na, “Fatedi naikno te diꞌa te au ka nauthoglu igne! Fate igne jateula kaisei mae te hata naflahi thagho te mala kato gano tela ghanohira eghu. Naugna gognaro thofno narane gna te mala eni igne, naugna naikno te gnafa ka nauthoglu gne la naba mala fatehi.”

Thakle 14:15 ပူးပေါင်းရင်းမြစ်များ

Profet Joel 3:13

Puhidi naikno igre thono diꞌa fara. Eghume, ghotilo katodi jateula mae te kato wit ra eghu. Tapla faheta ke klignadi jateula mae te tapla ke klignadi grep ra eghu.

Nonomho Te Keli Teke Risoi Mae Mak 4:29

Kate ghano sisi na mae khoto nagare na ukli balu nogna naflahi, naugna thokehi narane te mala pulei gano na.”

Matiu 13:39

Eghuteuna Satan jateula mae naoka te joꞌu sokiaro ia eghu. Nu narane leghu lahu gna nauthoglu igne jateula narane te mala pulei wit ra eghu. Eghuteuna nogna engel God igre jateula mae gloku te mala pulei wit ra eghu.

Profet Jeremaea 51:33

Lord mae ihei te au nolaghi fateote'o nodi God mae Israel igne ne cheke eghu, “Mae naoka igre ginauna tapla ke klignadi mae Babilonia jateula buluka te tapla ke kligna wit ra eghu. Eghuteuna ka narane te mei mare igne, mae naoka igre ginau tapla ke klignadi kantri igre.”

Thakle 14:18

Keha engel na ne jifla mei funugna ka olta na. Engel igne mala reireghi khaꞌaghi ka olta na. Mana tei kokoni olta na, ne eha eghu fabiꞌo ka keha engel te fnonu fara nogna naflahi thagho na, “Tei fatedi naikno te diꞌa ka nauthoglu gne eigna mare kaikaliti mala kegra ke ulugna fate na jateula sisi grep tela ghanohira eghu. U fate te eni iagho igne jateula kaisei mae te hata naflahi thagho te mala kato sisira eghu.”

Matiu 13:30

Keliu mala kotu fodu wit ghe sokiaro are ghilei thokeni narane te mala ghanodi wit are. Ka narane ukli na iara ginauna cheke eghu ka mae glokure: Ululahu ghotilo na salo sokiaro are mala haru fodu eghuteuna koko lao ka khaꞌaghi. Eghuteuna ukli wit are mala fafofodu nogu suga gano iara ana.’ ”

Thakle 16:17

Fafitu engel na ne tei ne totofa nogna dis na ka maloa na. Eghuteuna kaisei cheke ne jifla mei ka mae ihei te gnokro ka nogna sape nafnakno mae king te au ka Sugablahi na, ne eha eghu fabiꞌo, “La gnafahi!”

Matiu 23:32

Eghume ghotilo edi fabrahu ngala unha teke edi mae ku'emi tifa ra!

Thakle 15:6

Aonu fitu engel te hata te mei fitu papara biꞌo leghu lahu igre, mare ne jifla mei ka Sugablahi na. Mare ne pipichi pohe vegha te siasigla fara. Eghuteuna mare jaola ne haru kaisei nhugha teke hohoro ka gol ke paridi baedire.

Thakle 14:14

Ke leghu na iara ne filoni kaisei grokho vegha, eghuteuna ke kligna gna grokho igne iara filoni kaisei mae jateula mae teke mei funu ka God eghu filogna na. Mana ne gnokro neu ke kligna gna u grokho na. Ka pha'ugna na au kaisei khepi nafnakno teke hohoro ka gol, eghuteuna ka khamegna na louloku kaisei naflahi thagho te fnonu fara.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Thakle 13:12

Aonu fapea bosu na ne mei kegra ke ulugna bosu ulu lahu te diꞌa na. Bosu ulu lahu na ne tusu lao nolaghi ka fapea bosu na mala funei frunidi kmana naiknore. Fapea bosu na ne huhurudi naikno te gnafa ka nauthoglu gne mala pogho soru ka bosu ulu lahu te au nafnera glehe ka pha'ugna na te kela mafo fapulohi na.

Profet Isaia 62:1

Nogna mae gloku Lord na ne cheke eghu, “Naugna iara namhani fara Jerusalem, iara ginauna na theome au kmu. Iara ginauna tarai fabrahu ghilei thokeni narane Lord nate fadoglidi puhimi nei nakarhami teu ghotilore mala phae jateula naprai hamerane, ba jateula juta biꞌo te phae bongiro ra eghu.

Jenesis 15:6

Mae Ebram ne fatutuani ni nogna cheke Lord na, eghuteuna Lord ne kiloni mana kaisei mae te doglo ke ulugna mana.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 14:16

Aonu ka narane tuana mae ihei te gnokro ke kligna gna grokho na ne fatedi naikno te gnafare ka nauthoglu gne.

Thakle 14:17

Iara ne filoni keha engel na ne jifla mei ka Sugablahi na kligna. Mana jaola au kaisei naflahi thagho te fnonu fara.