Thakle 14:13 - Buka Blahi Ka Cheke Holo

¹³ Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Thakle 14:13 ပူးပေါင်းရင်းမြစ်များ

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Ululahu Tesalonika 5:10

Mae Jisas neke lehe eida tahati mala tangomana tahati te karha balugna mana tifa tifa, neubane karha neu ba lehehi kate mei mae Jisas na.

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Thakle 19:9

Mae engel na ne cheke eghu ka iara, “Rioriso soru sagho cheke igre, ‘Naikno teke kilodi God te mala mei ka gaghamu tholaghi gna Lam na, mare tangomana te gleale'a na.’ ” Eghuteuna engel na neke cheke eghu ka iara, “Cheke igne thofno chekegna God.”

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 6:11

Aonu mare ne tusu lao pohe vegha ka mae tharunga te gnafare, ne cheke eghu, “Ghotilo mala ofou katha vido kmoꞌei. Naikno khiloau te gnafa teke loku jateula ghotilo teu igre ginauna jaola na lehe jateula nomi mae naoka ghotilo teke falehe ghami ghotilo tifa ra eghu. Eghuteuna God ginauna nake foli fapulo ka mare nakarhami ghotilo te gnafare. Nu ulu lahu na ghotilo ofou ghilei kafe lehe naikno khiloau gre.”

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Thakle 16:17

Fafitu engel na ne tei ne totofa nogna dis na ka maloa na. Eghuteuna kaisei cheke ne jifla mei ka mae ihei te gnokro ka nogna sape nafnakno mae king te au ka Sugablahi na, ne eha eghu fabiꞌo, “La gnafahi!”

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nodi Khoje Hatimare Mae Jiu 85:13

Tahati ginauna kulu fadoglighu puhidare eghuteuna ka puhi igne tahati na tangomana te kaikaliti u nabrou malagna God.

Ululahu Tesalonika 4:14

Tahati fatutuani ni mae Jisas neke lehe eghuteuna ke karha fapulo. Eghume, tahati jaola fatutuani narane ke pulo meigna mae Jisas, God ginauna hata fodu balugna mae Jisas naikno khiloau teke lehe ra.

Ululahu Korin 15:18

Eghume naikno khiloau tela lehehira jaola luvu kolho hi.

Letas Teke Riso Tei Mae Pol Ka Khiloau Rom 14:8

Kate karha teu tahati na, tahati karha mala fafnaknoni Lord. Eghuteuna kate lehe tahati na, tahati jaola mala fafnaknoni Lord. Eghume neubane lehe ba karha tahati, tahati nogna Lord ngala.

Luku 16:9

Mae Jisas ne cheke eghu, “Eghume, te chekeni iara ka ghotilo na. Kate loku eigna ghotilo glepo gna nauthoglu igne, ghotilo mala toghodi keha naiknore. Theome malami themi kolho. Eghuteuna kate gnafa glepo igre, mare ginauna nake hati ghami ka namono te theo ka huigna.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 10:4

Kate cheke te gnafa fitu filare, iara ne funu rioriso unha teke chekedi mare re. Nu ka vido tuana iara ne nomhini kaisei cheke ne soru mei funu kligna, ne cheke eghu, “Iagho thosei rioriso unha teke chekedi fitu filara. Nu iagho phophoru fakeli glepo igre.”

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Profet Daniel 12:13

“Ghema Daniel, gaoghathomu iagho na mala au rheta ka God ghilei thokeni huigna naranemu na. Ka narane tuana iagho ginauna lehe, nu iagho ginauna nake karha fapulo mala hata nou taba biꞌo na ka narane leghu lahu igne.”

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Ululahu Timoti 5:24

Nakhibodi keha naiknore bligi mala filodi, eghuteuna naiknore tangomana ghosei te fatedi. Nu nakhibodi keha naiknore filodi ke leghu kolho.

Ululahu Timoti 5:25

Jateula tuana eghu gloku te kelire e bligi fara te mala filodire. Nu neubane theome bligi ngau te mala filodire, theome tangomana te poru fabrahu na.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.