Thakle 14:11 - Buka Blahi Ka Cheke Holo

¹¹ Eghuteuna gagahugna khaꞌaghi te paradi mare na ginauna haghe fabrahu tifa tifa. Iheire fateo te pogho soru ka bosu nei mumuju gna nei lilisei fagaglana gna nanghagna mana teuna, mare ginauna theome gnafa ka papara bongi narane.”

Thakle 14:11 ပူးပေါင်းရင်းမြစ်များ

Thakle 19:3

Mare ne eha fabiꞌo ne cheke eghu, “Tahati cheke fakelini God! Naugna khujogna khaꞌaghi te nhako teu namono biꞌo na ne haghe fabrahu theome tangomana te gnafa na.”

Profet Isaia 34:10

Khaꞌaghi igne ginauna theome lehe, eghuteuna gagahu gna na ginauna kujo fabrahu bongi narane. Neubane karha mei naikno kmana ke leghu, nu theo kaisei naikno nate nolo ka namono igne. Uve, namono igne ginauna eghu fabrahu tifa tifa, naugna la thofno diꞌa fara pari lahu.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Thakle 18:18

Eghuteuna kate filoni mare khujogna khaꞌaghi te nhako teu namono na, mare ginauna eha eghu, “Icho idomi, theo kaisei namono biꞌo te nanaba ka namono biꞌo igne na!”

Thakle 14:9

Iara ne filoni fatilo engel na ne mei ke leghudi phei engel ulu lahu ra. Fatilo engel na ne eha eghu fabiꞌo, “Ihei te pogho soru ka bosu nei mumuju gna, nei lilisei nogna fagaglana bosu na ka greregna nei khame nhetagna teuna,

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 7:12

ne cheke eghu, “Uve, tutuani! Nomi God, ghehati cheke fakeli nigho nei pala hagheni nanghamu na nei fafnakno nigho. Ghehati cheke fakeli nigho eidi nou gaoghatho te keli nei nou nolaghi te biꞌo nei nou nanheta te au fabrahu tifa tifa. Amen!”

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Nodi Khoje Hatimare Mae Jiu 10:16

God ginauna mala king fabrahu tifa e tifa. Mana ginauna na brue fadeleidi naikno bongihehe te au ka nauthoglu igne mala luvu fabrahu mare tifa e tifa.

Eksodas 15:18

“Lord, iagho ginau na funei fruni fabrahu tifa e tifa.”

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 13:12

Aonu fapea bosu na ne mei kegra ke ulugna bosu ulu lahu te diꞌa na. Bosu ulu lahu na ne tusu lao nolaghi ka fapea bosu na mala funei frunidi kmana naiknore. Fapea bosu na ne huhurudi naikno te gnafa ka nauthoglu gne mala pogho soru ka bosu ulu lahu te au nafnera glehe ka pha'ugna na te kela mafo fapulohi na.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Profet Joel 2:30

Ka narane tuana, iara ginauna edi keha fagaglana biꞌo ka maloa kligna nei ka nauthoglu pari igne. Uve, dadara, khaꞌaghi nei gagahu eghu ginauna thakle mei.

Profet Isaia 57:20

Nu naikno te tirodi ghau iara re jateula thongna te malura eghu theome au kmu. Nu leuleghu fata na, ghoro falonga mata ka gratha na kmana chara nei chopu eghu. Eghume, naikno te diꞌa na jateula tuana eghu.

Diutronomi 28:65

Eghuteuna ka keha namonore, ghotilo ginauna na theome tangomana te filoni pharikeli ba vido mala gnafa. Eghuteuna theo kaisei namono te ghathoni ghotilo ne nomi namono themi teuna. Ghotilo ginauna nanga nomi fabrahu, eghuteuna gaoghathomi ghotilo re na theome tangomana te au blagna na, aonu gaoghathomi ghotilo re ginauna glaꞌe soru.

Profet Isaia 34:8

Ka narane igne, Lord ginauna fakarhidi naikno di Saion. Mana ginauna nake tughu fapulo unha teke eni mae naokare ka naiknore.

Profet Daniel 3:6

Nu ihei te theome maimanihini mumuju gol igne na, ghehati ginauna koko laoni naikno tuana ke lamna bokis khaꞌaghi te brana fara na.”

Thakle 13:15

Ke leghu na, God ne snakreni fapea bosu na mala phanga lao nuinuri ka mumuju gna bosu ulu lahu na. Ka puhi igne, mumuju gna bosu ulu lahu na neke karha ne hata nolaghi te mala cheke na nei mala falehedi eghu naikno te theome pogho soruni mumuju gna thegna na.

Thakle 13:17

Tutuani fara, ihei te theome au tagna u fagaglana igne, mana theome tangomana te foifoli ba sabiri kaisei glepo na. Fagaglana igne u nanghagna bosu, ba figas nabagna u nanghagna bosu na. Uve, igne jaola nogna figas kaisei mae. Nogna figas mana na namno gobi namno salei namnoi. Ihei te lalase na, mana tangomana te filo glanini gaoghathogna u figas igne.

Thakle 18:9

Kmana mae king neke eni puhi te diꞌa balugna naꞌa nei neke gleale'a fara te hata gobigna lepo te keli fara ka naꞌa. Tutuani mare ginauna tanhi fara nei diꞌanagnafa fara eghu, kate filoni khujogna khaꞌaghi te nhako namono igne.