Thakle 14:1 - Buka Blahi Ka Cheke Holo

¹ Aonu iara filo tei ne filoni Lam te kegra teu ke kligna gna Thogele Saion, eghuteuna kaisei gobi phiatutu fati thogha naikno kegra neu balugna mana. Nanghadi Lam ghe Kmagna re la kafe auhi ka greredire.

Thakle 14:1 ပူးပေါင်းရင်းမြစ်များ

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Profet Maeka 4:7

ghotilo neke tei au ka kaisei kantri te khaba fara neke glaꞌe jateula ihei te lehe ghahemi gnara neku. Nu iara ginauna togho ghami ghotilo iheire te karha teura mala kaisei naikno rheta. Eghuteuna iara ginauna funei fruni ghami ghotilo fabrahu tifa tifa ke kligna Thogele blahi Saion.

Letas Teke Riso Tei Mae Pol Ka Khiloau Rom 9:33

eigna God neke cheke eghu ka grioriso te blahi na, “Fanomho si ghotilo, iara ginauna lilisei haghe Saion kaisei naikno jateula kaisei thina mala faꞌukadi nei fatotokheidi naiknore. Nu ihei te fatutuani ni mana na, naikno igne ginauna theome tangomana te mamaja na.”

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Thakle 14:14

Ke leghu na iara ne filoni kaisei grokho vegha, eghuteuna ke kligna gna grokho igne iara filoni kaisei mae jateula mae teke mei funu ka God eghu filogna na. Mana ne gnokro neu ke kligna gna u grokho na. Ka pha'ugna na au kaisei khepi nafnakno teke hohoro ka gol, eghuteuna ka khamegna na louloku kaisei naflahi thagho te fnonu fara.

Thakle 15:5

Ke leghudi glepo igre, iara ne filoni suga tapuale te au God tagna na kate thora Sugablahi kligna na.

Profet Isaia 49:14

Nu naiknodi Jerusalem igre ne cheke eghu, “Lord na la tei koko ghitahi! Mana ghatho iho ghitahi!”

Thakle 6:8

Iara filo lao ne filoni kaisei hose ne jifla mei, eghuteuna thinigna hose tuana jateula teke lehehi eghu thono diꞌa fara filogna na. Nanghagna mae te gnokro ka hose tuana, “Glehe”. Eghuteuna “Hades”, namonodi naikno te lehehira, ne mei namo fara ke leghugna mana. Eghuteuna God ne tusu ranghidi ka Glehe ghe Hades u nolaghi te mala falelehe kaisei ka fati naikno te gnafa ka nauthoglu igne. Tutuani, Glehe ghe Hades tangomana te falehedi naiknore ka magra biꞌo, ka grofo, ka fogra nei ka bosu mata gna nauthoglu igne.

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Profet Sekaraea 4:2

Mana ne ghusna eghu, “Unha te filoni iagho gognarona?” Iara ne cheke eghu ka mana, “Iara ne filoni kaisei thaba mala lilisei juta teke horo mare ka famane gol. Kligna ka thaba igne au kaisei dis mala lilisei oel. Eghuteuna ke klignadi fitu juta igre kafe au fitu wik mala phaedi fitu juta igre.

Profet Emos 8:2

Lord ne cheke eghu ka iara, “Emos. Iagho filo glani glepo igne?” Iara ne cheke eghu, “Uve, kaisei kharaꞌo fodu ka sisi muita tarabana mala ghamu.” Mana neke cheke eghui ka iara, “Uve. Iara jaola tarabana mala paradi nogu naiknore. Iara ginauna theome tangomana te tughu gaoghathogu na te mala paradi naikno igre.

Profet Daniel 12:5

Aonu iara ne filo teidi phei mae kegra neu rhegna khoꞌu na. Kaisei na kegra neu rhegna te kegra teu iara na. Eghuteuna keha na kegra neu ka keha phile na.

Profet Esikiel 44:4

Aonu mae igne hata ghau iara ne tei salaꞌu ka grengatha ke raru igne, eghuteuna ghepa ne tei ke ulugna nogna Sugablahi na. Kate filo tei na, iara ne filoni nogna Sugablahi Lord na fodu ka siasigla gna nogna nolaghi biꞌo Lord na. Aonu iara ne pogho soru tathagu nei foflogu teure ka glose na pari.

Profet Esikiel 10:1

Ka mifi igne, iara ne filo haghe ne filoni kaisei glepo jateula nogna chea biꞌo king teke horo ka famane thina sapia ra eghu, eghuteuna chea igne au ke kligna phaꞌudi engel igre.

Profet Esikiel 8:7

Eghuteuna mana hata ghau iara ne tei ka grengathagna glalaba igne, eghuteuna iara ne filoni kaisei khora te tei ka gringni thina igne.

Profet Esikiel 2:9

Ka vido tuana, iara ne filoni kaisei khame te louloku teu kaisei buka te jateula phepa brahu teke lolhopo ra eghu.

Profet Esikiel 1:4

Kate filo tei iara na, iara ne filoni kaisei gromno biꞌo gna kaisei saeklon ne soru mei ke raru. Nakafli biꞌo ne kafli soru ne phae ka gromno igne, eghuteuna maloa te falithuini mana igne ne thofno sigla fara. Eghuteuna ka vido te kafli mei nakafli igne, kaisei glepo te siasigla jateula bras teuna ne sigla mei ka mana.

Profet Jeremaea 1:11

God ne cheke eghu ka iara, “Jeremaea. Unha te filoni iagho gognarona?” Iara ne cheke eghu, “Iara filoni kaisei grege gaju te kiloi amon.”

Profet Esikiel 10:9

Eghuteuna kate filo teu iara na, iara ne filodi fati wil te au teu ka geridi fati engel igre. Wil igre siasigla fara jateula famane thina te kiloi tasis eghu.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.