Thakle 13:6 - Buka Blahi Ka Cheke Holo

⁶ Mana ne tothora foflogna na mala cheke faparini God. Mana cheke faparani nanghagna God na nei cheke faparini vido aheva te au mana na, nei cheke faparidi iheire te au balugna mana kligna re.

Thakle 13:6 ပူးပေါင်းရင်းမြစ်များ

Thakle 12:12

Naugna igne, kligna nei ghotilo hui te au jare ra mala kafe gleale'a! Nu nauthoglu nei nhorora teura fiofilo ghami! Naugna mae Satan, mae funeidi naitu te gnafare neke soruhi ka ghotilo. Mana thono diꞌatagna fara, naugna mana lasenihi te kmo'e farahi nogna narane te mala baubatudi naikno te gnafare ka nakhibo.”

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 11:12

Aonu ka vido tuana phei mae profet igre ne nomhini kaisei cheke ne cheke mei funu kligna, ne eha eghu fabiꞌo, “Mei, haghe agne!” Kate filo leuleghu teu nodi naoka phiamare re, phiamare ne haghe kligna ke lamnagna kaisei grokho.

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 5:13

Aonu iara ne nomhidi gobigna lepo teke vuavuha God te au kligna ba ka nauthoglu igne ba ka namonodi iheire tekela lehehira ba ke lamna thongna. Mare ne kafe koje eghu, “Tahati cheke fakelini fabrahu mae ihei te gnokro ka nogna sape nafnakno mae King na nei balugna mae Lam tifa tifa. Tahati fafnaknodi phiamare nei pala haghe nanghadire, nei cheke fakelini nodi nolaghi te biꞌo nei nanheta.”

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Kolose 2:9

Naugna ghotilo laseni, mae Kraes na neke vuhai naikno jateula tahati neku, eghuteuna God nei gaoghathogna fateo te au ka mae Kraes.

Kolose 1:19

Naugna God ne leghuni nogna gaoghatho thegna na ne fafodu lao ka mae Kraes nakarhagna thegna na.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Thoutonu Eigna Mae Job 3:1

Aonu Job ne funu cheke fadiꞌa eigna narane teke karha mei mana tagna na.

Nodi Khoje Hatimare Mae Jiu 73:9

Mare cheke fadiꞌani God mae ihei te au teu kligna na, eghuteuna mare fahaehaghedi fara e cheke eghu, “Ghehati ngala te funei frunidi naikno te au ka nauthoglu igne!”

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Thakle 15:5

Ke leghudi glepo igre, iara ne filoni suga tapuale te au God tagna na kate thora Sugablahi kligna na.