Thakle 13:15 - Buka Blahi Ka Cheke Holo

¹⁵ Ke leghu na, God ne snakreni fapea bosu na mala phanga lao nuinuri ka mumuju gna bosu ulu lahu na. Ka puhi igne, mumuju gna bosu ulu lahu na neke karha ne hata nolaghi te mala cheke na nei mala falehedi eghu naikno te theome pogho soruni mumuju gna thegna na.

Thakle 13:15 ပူးပေါင်းရင်းမြစ်များ

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 16:2

Mae engel ulu lahu na jifla ne tei totofa nogna dis na ke kligna nauthoglu. Eghuteuna thubu te diꞌa fara na ne thokedi naikno te au nogna fagaglana bosu na nei iheire te pogho soru ka mumuju gna bosu na.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Thakle 14:11

Eghuteuna gagahugna khaꞌaghi te paradi mare na ginauna haghe fabrahu tifa tifa. Iheire fateo te pogho soru ka bosu nei mumuju gna nei lilisei fagaglana gna nanghagna mana teuna, mare ginauna theome gnafa ka papara bongi narane.”

Thakle 14:9

Iara ne filoni fatilo engel na ne mei ke leghudi phei engel ulu lahu ra. Fatilo engel na ne eha eghu fabiꞌo, “Ihei te pogho soru ka bosu nei mumuju gna, nei lilisei nogna fagaglana bosu na ka greregna nei khame nhetagna teuna,

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Profet Jeremaea 51:17

Naikno igre thono fameomekro fara, mare theome lalase. Naikno te hohoro glepo ka gol igre mamaja nodi fara, naugna mumuju god te edi mare igre khogla chaichaghi kolho. Glepo igre theo karha tadi.

Profet Jeremaea 10:14

Mae igre theome eghu. Mae igre fameomekro nei theome lalase eghu. Mae te hohoro mumuju ka gol igre ginauna mamaja nodi fara, naugna god te edi mare igre chaichaghi kolho. Eigna theo kaisei nakarha tadi.

Profet Jeremaea 10:5

Mumuju igre tharu maei kolho, jateula thotogale naikno te mala famamhaghu nanghaji ka nagare sopho ra eghu kolho. Mumuju god igre theome tangomana te cheke na nei jaola theome tangomana te nolo na. Ghotilo thosei mhaghudi, eigna mare theome tangomana te goigoni ghami ghotilo na, nei jaola theome tangomana te togho ghami ghotilo na.”

Nodi Khoje Hatimare Mae Jiu 115:5

God igre au foflodi, nu theome tangomana te facheke na. Mare au tathadi, nu mare theome tangomana te fifilo na.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 16:5

Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Profet Habaku 2:19

Kokhoni ghami fara! Ghotilo cheke eghu koba ka kaisei vido gaju ba ka kaisei thina biꞌo, ‘Dofra! Kegra haghe sagho!’ Ba? Mumuju igne lalase na nomhi ghami nei cheke balumi ghotilo eghu? Thono theo fara. Tutuani, ghotilo hohoro mumuju igre ka silva nei ka gol mala famane filodire, nu theo kaisei nakarha tadi eghu!”

Profet Daniel 7:20

Eghuteuna iara jaola magnahaghei te lasedi nabotho hona te au ka phaꞌugna glepo igne. Eghuteuna hona ikoi te kotu haghe leghui igne mei ne hata koko thilo hona teke kulu au igre. Hona igne au phei tathagna nei au foflogna eghu, eghuteuna foflogna na thofno cheke fahaehaghe fara. Eghuteuna naꞌa cheke fahaehagheni thegna jateula naikno eghu. Iara thono mhaghu nogu fara kate filoni hona ikoi igne.

Thakle 13:1

Ke leghu na iara ne fapea fata filoni bosu na ne thakle ka nhorora na. Bosu tuana au fitu pha'ugna nei nabotho honagna. Ka honagnare kafe au khepi nafnakno nei ka pha'ugnare jaola au teke rioriso mare nangha te thofno cheke faparini God.

Thakle 13:12

Aonu fapea bosu na ne mei kegra ke ulugna bosu ulu lahu te diꞌa na. Bosu ulu lahu na ne tusu lao nolaghi ka fapea bosu na mala funei frunidi kmana naiknore. Fapea bosu na ne huhurudi naikno te gnafa ka nauthoglu gne mala pogho soru ka bosu ulu lahu te au nafnera glehe ka pha'ugna na te kela mafo fapulohi na.