Eghuteuna jame ghusna eghu mare ka iagho, ‘Aheva nate tei ghehati na?’ Iagho ginauna na cheke eghu ka mare, ‘Lord ne cheke eghu: “ ‘Iheire teke vahidi iara mala lehe ka fogra tekura, mare ginauna lehe ka fogra. Eghuteuna iheire teke vahidi iara mala lehe ka magra tekura, mare ginauna mala lehe ka magra. Eghuteuna iheire teke vahidi iara mala lehe ka grofo tekura, mare ginauna mala lehe ka grofo. Eghuteuna iheire teke vahidi iara mala mei mae naokare mala atha fajifladi ka nodi namonore mala tei au ka keha kantri delei tekura, mare ginauna tei au jare.’
Thakle 13:10 - Buka Blahi Ka Cheke Holo10 Jame ihei teke snakreni God te mala tei ka suga sosolo na, tutuani mana ginauna mala au ka suga sosolo. Jame ihei teke snakreni God te mala lehe ka naflahi na, tutuani mana ginauna mala lehe ka naflahi. Eghume, te thoke mei puhi igre ka ghotilo na, ghotilo nogna naikno God ra mala kegra heta, nei mala fatutuani heta eghu ka God.” အခန်းကိုကြည့်ပါ။ |
Thakle 13:10
29 ပူးပေါင်းရင်းမြစ်များ
Kokhoni ghami fara ghotilo iheire te fakokhoanadi keha naikno ra! Ghotilo eni koba puhi igne ka keha naiknore, naugna theo kaisei naikno te eni nafnata puhi igne ka ghotilo na. Kokhoni ghami fara ghotilo te eni nafnata puhi te diꞌa igne ka kherami fofodu are! Ghotilo eni koba puhi igne, naugna theo kaisei naikno te eni kaisei najafra ka ghotilo na. Nu kate goigonidi ghotilo keha naiknore, mare ginauna na jaola ke goigoni ghamila ghotilo. Eghuteuna kate eni fadiꞌa ghotilo ranghidi kherami fofodu re, mare ginauna nake jaola nake enila unha puhi te diꞌa na ranghi ghami ghotilo.
Iara lase ghamihi ghotilo thofno loku heta fara ranghi ghau iara nei au heta ka nomi fatutuani na eghu kolho. Iara jaola lase ghami ghotilo te theome magnahaghedi naikno te leghudi puhi te diꞌare. Eghuteuna iara lase ghami ghotilo te lasedihi iheire te chaichaghi te kilodi thedi mae khuru, nei ghotilo la glanidihi te chaichaghi kolho mare re.
Kate meigna mana na, mana ginauna magra Ijep, eghuteuna mana ginauna uludi naikno gna namono tuana. Eghuteuna iheire teke vahidi iara mala lehe ka fogra tekure ginauna lehe ka fogra. Eghuteuna iheire teke vahidi iara mala atha mae naoka tei au ka keha kantri delei teu igre, mare ginauna tei au jare. Eghuteuna iheire teke vahidi iara mala lehe ka magra teku igre, mare ginauna lehe ka magra.
Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.
Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.
Iara lase ghamihi ghotilo te namhadi naiknore nei fatutuani ghau la iara. Eghuteuna iara jaola laseni te fari totoghoi ghotilo fari themi na, nei kegra heta fabrahu ka nomi fatutuani na, neuba mare ne para ghami. Famane gloku te edi ghotilo gognaro gre thofno uludi fara gloku teke edi teke mei ghotilo tifa ra.
Kmana naiknodi keha kantri ka nauthoglu igne, ginauna mei togho ghita mala ke pulo mei ka namono aheva Lord teke tusu ranghi ghita. Eghuteuna ka narane igne, naiknodi keha kantri delei ginauna mala noda naikno gloku tahati. Tifa na, mare neke ulu ghita tahati neke hata noda namono igne neke funei fruni ghita. Nu tahati ginauna uludi nei funei frunidi eghu mare.
Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”
Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.
ကြော်ငြာတွေ