Thakle 12:17 - Buka Blahi Ka Cheke Holo

¹⁷ Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Thakle 12:17 ပူးပေါင်းရင်းမြစ်များ

Thakle 14:12

Eghume te thokei mei puhi igre, ghotilo nogna naikno God te leghudi nogna vetula mana ra nei fatutuani nila mae Jisas teura, ghotilo mala kegra heta fabrahu.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 11:7

Ke leghugna te toutonuni phiamare chekegna God na, bosu te au ka glave te mamhara fara na ginau jifla mei mala magridi phiamare. Bosu igne ginauna tapla sorudi nei falehedi eghu phiamare.

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Thakle 13:7

God ne snakreni mana mala magridi nei tapla sorudi eghu nogna naikno God re. God jaola tusu ranghini mana nolaghi te mala funei frunidi naiknore ka vike te gnafa nei ka namono te gnafa nei ka cheke te gnafa nei ka kokholo te gnafa.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Ululahu Jone 5:10

Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Ululahu Jone 5:2

Faꞌunha ne laseni tahati, tahati te namhadi thugna God re? Tahati laseni igne naugna tahati namhani God nei leghudi nogna vetulare.

Ululahu Jone 2:3

Te leghuni tahati unha te magnahaghei God na, tahati thofno laseni mana.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 19:19

Aonu iara ne filoni bosu ulu lahu na baludi hatimare mae king gna nauthoglu igne nei hatimare mae soldia ne salofodu kaisei vido mala magra. Mare tarabana mala magra ka mae ihei te saghe ka hose vegha na, baludi hatimare nogna mae soldiare.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Ululahu Korin 2:1

Kheraguro, kani teke ari ka ghotilo ia, iara neke toutonuni chekegna God teke theome laseni naiknore tifa ia. Iara jaola theome toutonu ka ghotilo jateula kaisei mae te lase cheke fara ba mae te lalalase fara.

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Thakle 12:16

Nu God na ne toghoni naꞌa. Mana neke tothora kaisei khora biꞌo ka glose na ne tomno soruni khoꞌu teke jifla mei ka foflogna pholi biꞌo na.