Thakle 12:10 - Buka Blahi Ka Cheke Holo

¹⁰ Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Thakle 12:10 ပူးပေါင်းရင်းမြစ်များ

Luku 22:31

Mae Jisas ne cheke eghu, “Ghema Simon, God ginauna na snakreni mae Satan mala fariuriu ghami ghotilo gnafa mala laseni mae ihei te maku nogna fatutuani na ka ghotilo.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Thoutonu Eigna Mae Job 1:11

Nu jame hata fadelei iagho gobigna lepo igre ka mana meuna, mana ginauna cheke fadiꞌa nigho ka tathamu iagho na!”

Thoutonu Eigna Mae Job 1:9

Satan ne cheke eghu ka Lord, “Uve, nu mae Job au nogna gaoghatho te keli te mala ghatho tahuni God na naugna iagho ne fablahini mana kolho.

Thakle 2:26

Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Luku 11:2

Mae Jisas ne cheke eghu, “Kate tarai na, ghotilo cheke eghu, “ ‘Mama, ghehati magnahaghei te ghatho tahuni nanghamu te blahi. Ghehati magnahaghe nigho te mei funei fruni ghami.

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Matiu 6:10

Ghehati magnahaghe nigho te mei funei fruni ghami, nei snakre meini unha te magnahagheni iagho agne pari jateula ngau kligna.

Nodi Khoje Hatimare Mae Jiu 22:28

Eigna iagho mae king biꞌo te mala funei frunidi naiknore te gnafa heva heva ka nauthoglu igne.

Thoutonu Eigna Mae Job 2:5

Nu jame tei iagho te goigoni thinigna mana na, mana ginauna cheke fadiꞌa nigho ka tathamu iagho na.”

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Thakle 7:10

Aonu mare ne eha eghu fabiꞌo, “Noda God te gnokro teu ka nogna sape nafnakno mae King na balugna Lam, phiamare mala fakarha ghita.”

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.