Thakle 11:4 - Buka Blahi Ka Cheke Holo

⁴ Phei mae profet igre phei gaju oliv nei phei juta biꞌo. Mare ginauna kegra ke ulugna mae funei gna nauthoglu igne.

Thakle 11:4 ပူးပေါင်းရင်းမြစ်များ

Profet Jeremaea 11:16

Teke chekeni iara ka ghotilo tifa ia, ghotilo jateula kaisei famane gaju oliv te keli khaklagna nei fuꞌagna teura neku. Nu gognarona, iara na goigoni ghami ghotilo, jateula fila nei nakafli eghu te goigonidi gaju oliv te klopa gregedira eghu.

Nodi Khoje Hatimare Mae Jiu 52:8

Nu iara gne theome eghu jare. God na reireghini nakarhagu iara na gne jateula gaju oliv te au rhegna sugagna God na ia eghu. Iara fatutuani ni God eigna mana kokhoni ghau iara fabrahu tifa tifa.

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Luku 11:33

Mae Jisas ne cheke eghu, “Theo kaisei naikno te fakasa juta na te lilisei ke pari khara'o ba ke pari sape. Theo! Mana na lilisei haghe ka vido mala lilisei juta na, mala tangomana naikno te ruma ka suga tuana te filo fakeli eigna juta na.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Profet Maeka 4:13

Lord ne cheke eghu, “Ghotilo naiknomi Jerusalem! Ghotilo tei goigoni di mae naoka! Iara ginauna farheta ghami jateula buluka nalhaꞌugna honagna na jateula aean, eghuteuna ghahegna pari na jateula bras. Eghuteuna ghotilo ginauna tapla ke klignadi ka naikno ka kantri te kmana te jateula buluka te tapla ka wit te khoko guligna na ra eghu. Eghuteuna gobigna lepo te uludi ghotilo ka magra, ghotilo ginauna tusu mei ka iara Lord, nodi Funei naikno te gnafa ka nauthoglu igne.”

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”