Thakle 11:18 - Buka Blahi Ka Cheke Holo

¹⁸ Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Thakle 11:18 ပူးပေါင်းရင်းမြစ်များ

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Thakle 13:10

Jame ihei teke snakreni God te mala tei ka suga sosolo na, tutuani mana ginauna mala au ka suga sosolo. Jame ihei teke snakreni God te mala lehe ka naflahi na, tutuani mana ginauna mala lehe ka naflahi. Eghume, te thoke mei puhi igre ka ghotilo na, ghotilo nogna naikno God ra mala kegra heta, nei mala fatutuani heta eghu ka God.”

Thakle 22:12

Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.

Nodi Khoje Hatimare Mae Jiu 103:11

Eigna nogna namha mana ranghidi naikno te ghatho tahuni mana re thofno biꞌo fara jateula maloa kligna eghu.

Thakle 15:7

Ka vido tuana kaisei ka fati glepo te karha igre ne tusu lao ka fitu engel igre fitu dis teke hohoro ka gol. Dis igre fodu ka diꞌatagna God mae ihei te karha fabrahu tifa tifa.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Nodi Khoje Hatimare Mae Jiu 2:5

Aonu mana ne diꞌatagna fara ne cheke eghu ka mare, “Fiofilo ghami ghotilo ia!” Kate laseni mare te diꞌatagna God na, mare ne thono mhaghu nodi fara.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 18:6

Ghotilo mala ke foli fapulo unha teke edi naꞌa ranghi ghami re, nu ghotilo mala foli fapulo phei fata ke tulaodi glepo te diꞌa teke edihi naꞌa ka ghotilo ra.

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Profet Daniel 8:25

Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.

Profet Daniel 7:26

“ ‘Kate gnafa nogna narane mana igre, God ginauna fateni mae king igne. Aonu God ginauna hata koko nogna nolaghi mae king igne. Eghuteuna mare ginauna na goigonini ni fara mana.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Profet Daniel 11:44

Nu ke leghugna igne, kaisei nonomho ginauna mei funugna ke maghati nei ke raru. Eghuteuna mana ginauna mhaghu nogna fara kate nomhini igne. Nu naugna te diꞌatagna te salaꞌui na, mana ginauna magra heta fara na aknu falehe kmana naikno.

Thakle 13:16

Fapea bosu na jaola ne huhurudi naikno te gnafare, neubane ikoi ba te biꞌo, te dedei ba te kuma, te snagla ba te sneka mala hata fagaglana fei khame nhetadi ba ka greredire.

Thakle 19:18

Khapru mei mala ghamu nafnahidi hatimare mae king nei hatimare mae funeidi armi nei mae biꞌo ka nauthoglu nei nafnahidi hose nei nafnahidi mae iheire te saghe teu ke klignadi. Uve, ghotilo mei mala ghamu nafnahidi naikno te gnafare, mae sneka nei mae te snagla, nei mae te au nolaghi nei mae te theo nolaghi.”