Thakle 11:15 - Buka Blahi Ka Cheke Holo

¹⁵ Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 11:15 ပူးပေါင်းရင်းမြစ်များ

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Profet Sekaraea 14:9

Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Luku 1:33

Mana ginauna na funei frunidi fabrahu naiknodi Israel re eghuteuna funei fruni te eni mana ranghidi nogna naiknore na theo ka huigna.”

Eksodas 15:18

“Lord, iagho ginau na funei fruni fabrahu tifa e tifa.”

Profet Daniel 7:18

Nu ke leghugna igne, nogna naikno God igre ginauna funei frunini nauthoglu igne tifa tifa.’

Thakle 16:17

Fafitu engel na ne tei ne totofa nogna dis na ka maloa na. Eghuteuna kaisei cheke ne jifla mei ka mae ihei te gnokro ka nogna sape nafnakno mae king te au ka Sugablahi na, ne eha eghu fabiꞌo, “La gnafahi!”

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Profet Maeka 4:7

ghotilo neke tei au ka kaisei kantri te khaba fara neke glaꞌe jateula ihei te lehe ghahemi gnara neku. Nu iara ginauna togho ghami ghotilo iheire te karha teura mala kaisei naikno rheta. Eghuteuna iara ginauna funei fruni ghami ghotilo fabrahu tifa tifa ke kligna Thogele blahi Saion.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Profet Sekaraea 2:11

Ka narane tuana kmana naikno ka keha kantri are ginauna mei ka iara Lord mala loku fodu balumi ghotilo nogu naikno iara ra, eghuteuna iara ginauna au balumi ghotilo gnafa.” Ka puhi igne, ghotilo ginauna lase ghau iara Lord mae ihei te au nolaghi fateote'o igne te kuru mei ghau iara ka ghotilo na.

Profet Esikiel 37:25

Mare ginauna au ka namono teke tusu lao iara tifa ka kuꞌedi mare Jekop, nogu mae gloku iara ia. Igne namono teke au tagna kuꞌedi mare tifara. Ginauna mare balu thudi nei iheire nate karha mei ke leghudi mare re teu igre ginauna au fabrahu ka namono igne. Eghuteuna king ka vikegna King Devet igne ginauna funei frunidi mare tifa tifa.

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Nodi Khoje Hatimare Mae Jiu 146:10

Lord ginauna funei fruni ghita tahati naiknoda Saion ra nei iheire nate karha mei thogheiro tifa tifa. Tahati cheke fakelini nanghagna Lord!

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Nodi Khoje Hatimare Mae Jiu 72:11

Te keli fara na jame hatimare mae king te gnafa igre mei tufru soru ke ulugna mana. Eghuteuna naikno te gnafa ka kantri fateote'o igre mala loku ranghini mana.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 9:13

Fafamno engel na ne ifu nogna khufli na. Aonu iara ne nomhini kaisei cheke te jifla mei ka fati sulukhugna olta teke hohoro ka gol te kegra teu ke ulugna God na.

Thakle 9:1

Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Profet Daniel 7:22

Nu God mae ihei te au fabrahu funu tifa igne ne fateni hona ikoi igne ne cheke thakleni, hona igne la eni kaisei najafra biꞌo ranghidi nogna naikno God te au kligna. Eghuteuna God mae ihei te fnakno igne ginauna tusu lao nolaghi ka nogna naiknore mala funei fruni jateula king eghu.

Profet Isaia 55:5

Iagho nogu mae gloku iara. Iagho ginauna kilo meidi naiknodi keha kantri teke theome lasedi iagho. Eghuteuna iheire teke theome lase nigho iagho igre ginauna chari mei ka iagho. Iara ginauna edi glepo igre mala thoke mei, naugna iara Lord nodi God te blahi mae Israel, iara fafnakno nigho.”

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Nodi Khoje Hatimare Mae Jiu 82:8

God, mei sagho mala funei fruni ni nauthoglu igne, naugna naikno te gnafa ka kantri te gnafa na igre nou iagho.

Profet Obadaea 1:21

Maedi Jerusalem igre ginauna tei magra Idom mala hata nodi kantri mare na, eghuteuna mare ginauna funei frunidi mare. Eghuteuna iara Lord thegu ngala nate mae funei biꞌo na.

Matiu 24:31

Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Mae Khuru 4:26

Mae king gna nauthoglu gne mare tarabana mala magra. Hatimare mae te funei frunidi naiknore mare salo fodu mala magrini Lord God nei nogna Kraes.’

Profet Esikiel 47:5

Mana neke fafaja keha glima gobi mita, eghuteuna khoꞌu igne haghe ne vuhai kaisei khoꞌu biꞌo, iara te theome tangomana te nolo te kasa tagna na. Naikno na tangomana te apu tagna na, nu theome tangomana te tao kasa tagna na.