Thakle 11:12 - Buka Blahi Ka Cheke Holo

¹² Aonu ka vido tuana phei mae profet igre ne nomhini kaisei cheke ne cheke mei funu kligna, ne eha eghu fabiꞌo, “Mei, haghe agne!” Kate filo leuleghu teu nodi naoka phiamare re, phiamare ne haghe kligna ke lamnagna kaisei grokho.

Thakle 11:12 ပူးပေါင်းရင်းမြစ်များ

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Mae Khuru 1:9

Ke leghugna te gnafa facheke mana igne, God ne hata hagheni mana kligna kate filo teu mare na. Aonu kaisei khoveo mei ne toku tafruni mana kau tathadi hatimare nogna mae khurure.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Ululahu Tesalonika 4:17

Ke leghugna igne, tahati karha au teu ka nauthoglu igne God ginauna salo fodu haghe ghita baludi mare ke lamna grokho mala thafoni Lord ka maloa. Eghuteuna tahati ginauna au balugna Lord tifa tifa.

Thakle 12:5

Aonu gaꞌase na ne fakakarha kaisei mae sua nalhaꞌu. Mae sua nalhaꞌu igne mala funei frunidi namono te gnafa ka nauthoglu gne balu nolaghi biꞌo. Nu kate karha sua na, mare hatani ne haghe ka God ka nogna sape nafnakno na.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Profet Isaia 60:8

“Naiknore ginauna ghosei ke pulo mei ka vaka jateula khoveo te flalo te ghosei te tei ka nuri ra eghu, ba jateula balhu te flalo teke pulo mei ka nogna gnokura eghu.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Fapea Kings 2:5

Kaisei tothoghei profet na jaola au jare Jeriko. Mare mei ne filoni mae profet Elisa, eghuteuna mare ne cheke eghu ka mana, “Gognaro na Lord ginauna hata tei nou mae funei iagho igne. Iagho laseni igne ba theo?” Eghuteuna mae Elisa ne cheke eghu, “Iara lasenihi, nu ghotilo theome tangomana te cheke eigna igne na.”

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Isaia 14:13

Iagho cheke eghu ka gaoghathomu themu na, ‘Iara ginauna haghe kligna! Iara ginauna fakegra haghe nogu sape nafnakno na ke klignadi nogna nathunu God ka maloa na are. Eghuteuna iara ginauna gnokro ka sape nafnakno igne ke kligna thogele blahi aheva keha god are nate salo fodu mei tagna.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Nodi Khoje Hatimare Mae Jiu 24:3

Ihei te nabagna te mala haghe Saion, ka nogna thogele Lord na? Ihei te nabagna te mala ruma te tarai ka nogna Sugablahi mana na?

Nodi Khoje Hatimare Mae Jiu 15:1

God, ihei gne te nabagna te mala ruma ka sugamu iagho na? Ihei gne te nabagna te mala tufru soru nigho Saion ka nou thogele te blahi na?

Fapea Kings 2:7

Glimafulu profet ne leghudi phiamare. Phia mare au neu ka geri khoꞌu na, eghuteuna mae profet igre ne au fakhaba neu kakatha ikoi ka khoꞌu Jordan.

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”