Thakle 11:10 - Buka Blahi Ka Cheke Holo

¹⁰ Naiknogna nauthoglu igne ginauna gleale'a fara kate nomhini tela lehehi phei mae profet igre na. Aonu naiknore ginauna eꞌei gaghamu nei tufa namha fari thedi. Naugna phei mae profet igre neke paradi fara kmana naikno ka nauthoglu igne.

Thakle 11:10 ပူးပေါင်းရင်းမြစ်များ

Ululahu Kings 18:17

Eghuteuna kate filoni mae Elija na, mana ne cheke eghu, “Tore! Iagho si mae te ei puhi biꞌo agne Israel ia?”

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Mae Khuru 5:33

Kate nomhini igne, hatimare mae mala fate ne thono ngingiridi fara ne magnahaghei falehedi mae khurure.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Profet Maeka 7:8

Neuba tahati ne uka pari, nu noda naoka tahati gre theome tangomana te glealeꞌa kolho ka puhi biꞌo igne. Tahati uka pari, nu tahati ginauna nake kegra haghe. Neuba tahati ne gnokro kate romno, nu Lord thegna ginauna noda naphae tahati.

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Ululahu Korin 13:6

Mana na theome mala gleale'ani unha glepo te diꞌa na, nu mala gleale'ani unha te tutuani na.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Proveb 24:17

Iagho thosei gleale'a kate thoke mei hoholo na ka nou naoka na. Iagho thosei gleꞌa kate uka mana pari na.

Nodi Khoje Hatimare Mae Jiu 89:42

Iagho neke snakredi hatimare nogna mae naoka mana re mala tapla faparini mana kau magra na, aonu gognaro na mare kelitadi fara te filoni mana te theome nheta.

Nodi Khoje Hatimare Mae Jiu 13:4

Eghume, nogu naoka iara gre ginauna theome tangomana te cheke eghu na, “La au hila ka khameda tahati si mae gnea.” Iagho thosei snakredi mare mala glealeꞌa te filoni mare te au teu iara ka khamedi mare na.

Ululahu Kings 22:18

Aonu King Ehab ne cheke eghu ka King Jehosafat, “Tore! Iara neke kulu chekehi ka ghotilo eigna mae igne, eigna mana theome tangomana te chekeni kaisei glepo te keli, nu chekedi kolho glepo te diꞌa re ka iara.”

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Thakle 16:10

Falima engel na ne tei ne totofa nogna dis na ke kligna gna nogna sape nafnakno bosu na. Eghuteuna namono te gnafa te funei frunidi bosu na ne kafe romno soru. Eghuteuna naiknodi namono igre ne funu kakathu glapidire naugna ne kabru ghedi fara.

Thakle 12:13

Kate laseni pholi biꞌo te koko soruni mare ka nauthoglu igne, mana ne funu ngolhini gaꞌase teke karha majaghani thugna nalhaꞌu na.

Profet Obadaea 1:12

Ghotilo edi kmana glepo te theome doglo ranghidi kherami ka kantri Juda. Ghotilo kelitami nei gleale'a eghu kate filoni te groꞌe mare na. Ghotilo cheke faglauglahu balu maꞌe kate au diꞌanagnafa nei kokhonidi teu naiknore. Ghotilo gleale'a nei maꞌe eghu tei ruma ka sugadi naiknore mala tei hata nodi glepore. Ghotilo kegra farihotei nabrou mala lokidi maedi Juda te mala rikha nodi teure. Eghuteuna snakre laodi ka khamedi mae naoka re. Glepo te edi ghotilo igre theome doglo.”

Profet Jeremaea 50:11

Lord ne cheke eghu, “Ghotilo naiknomi Babilonia! Tifa, kani teke uludi ghotilo nogu naikno iara ra, ghotilo neke atha fahui nodi gobigna lepo nogu naikno iara ra. Ghotilo neke keli tami fara jateula buluka gaꞌase gna te gleale'a te ghasa tafri ke klignadi wit ra neku. Uve, ghotilo neke maꞌe fabrahu jateula hose nalhaꞌugna te glealeꞌa te eha fabiꞌo ra neku.

Nodi Khoje Hatimare Mae Jiu 35:19

Thosei snakredi nogu naoka iara te mae chaichaghi gre mala tapla fapari ghau iara. Thosei snakredi mare mala maꞌe ghau iara kate filoni mare te au diꞌanagnafa iara na.