Thakle 1:17 - Buka Blahi Ka Cheke Holo

¹⁷ Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 1:17 ပူးပေါင်းရင်းမြစ်များ

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Thakle 22:13

Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Profet Isaia 41:4

Ihei teke edi teke thoke mei glepo igre? Ihei teke ghathodi glepo igre tifa kani teke vuavuhagna nauthoglu igne? Iara Lord neke kulu auhi neke vuavuha nga gobigna lepo igre, eghuteuna iara ginauna au ka narane nate ari te gnafadi gobigna lepo fateote'o igre.”

Profet Isaia 48:12

Lord ne cheke eghu, “Ghotilo naiknomi Israel, fanomho mei ka iara! Iara neke vahi ghami ghotilo mala nogu naikno iara. Kaisei iara ngala God na. Iara neke kulu au neke aunga gobigna lepo igre, eghuteuna iara ginauna na jaola leghu lahu ka gobigna lepo fateote'o igre.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Daniel 10:15

Kate cheke te gnafa mana na, iara ne filo pari ka glose na ne theome ghagri kaisei cheke.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Matiu 28:4

Mae soldia teke reireghi gna gluma na ne mhaghu nodi fara ne uka pari jateula mae tela lehehi ra neu.

Profet Daniel 10:12

Mana neke cheke eghui ka iara, “Daniel, thosei mhaghu. God na nomhini nou tharai iagho na, funu ka narane teke nhaꞌa fapari nigho themu ke ulugna God na, iagho neke fariuriu mala lasedi gaoghathodi glepo igre teku, iara gognarona mei balu cheke tughu gna nou tharai iagho na.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Jone 21:20

Mae Pita figri ne filoni mae fanomho te namhani fara mae Jisas te mei ke leghudi phiamare na. Mana kaisei mae teke gnokro rhegna mae Jisas ka teke ghamu mare Gaghamu Ghasa-Polho na teke ghusna eghu ka mana ia, “Lord, mae ihei si nate majora nigho iagho na ia?”

Jone 13:23

Kaisei mae fanomho te namhani fara mae Jisas na ne gnokro rhegna mae Jisas.

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Matiu 14:27

Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Nodi Khoje Hatimare Mae Jiu 139:5

Iagho batu ghau iara ka vido aheva te tei iara na, nei reireghi ghau ka nou nolaghi na.

Lamentations 3:57

Iagho neke mei rhegu iara mala togho ghau iara neku neke cheke eghu ka iara, “Thosei mhaghu.”