Taetus 3:14 - Buka Blahi Ka Cheke Holo

¹⁴ Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.

Taetus 3:14 ပူးပေါင်းရင်းမြစ်များ

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Matiu 7:19

Eghume, mae khotogna nagare na ginauna kato soru gaju te theome ure sisi te keli na mala koko lao ka khaꞌaghi.

Fapea Pita 1:8

Eghume, thofno keli fara te kotu haghe te bruara ghotilo ka nafnata puhi te keli igre ka nakarhamire. Naugna ghotilo ginauna theome fiti au kolho. Nu ghotilo ginauna ure sisi te keli ka nakarhamire kate lase fakelini ghotilo noda Lord Jisas Kraes.

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 15:8

Kate ure sisi kmana ka ghotilo na, ghotilo falalase ghami themi te nogu mae fanomho tutuani iara na. Eghuteuna naiknore ginauna filoni ka ghotilo nogna nolaghi biꞌo mae Mama na.

Fapea Tesalonika 3:8

Eghuteuna ghehati jaola neke theome fiti hata kaisei gano ka naiknore. Ghehati themi teke folidi gobigna lepore. Leghu fata na, ghehati loku heta fara bongi narane, naugna ghehati theome magnahaghei kaisei ka ghotilo te ninhigrana ranghini fara.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Matiu 21:19

Kate filoni kaisei gaju fig ka geri nabrou na, mana tei ne filo, eghuteuna theo kaisei sisi te au na, nu khogla khakla kolho. Mana ne cheke eghu ka gaju na, “Funu gognaro te haghe na iagho ginauna theo sisimu!” Aonu, gaju tuana ghosei ne brango soru.

Mae Khuru 18:3

mae Pol ne au ka repa ne loku baludi repa. Naugna nodi gloku retilo na mala susuki tapuale.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Letas Teke Riso Tei Mae Pol Ka Khiloau Rom 15:28

Iara ginau tei Jerusalem mala tusu lao sileni teke salo maladi mare teku ra. Ke leghugna igne, iara na tei Spen, nu iara ginauna jaola sigho ghami kate ari sala'u ka ghotilo na.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Filipae 4:16

Kani au tekeu iara Tesalonika ia ghotilo neke famei thotogho koba ka iara.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.