Taetus 2:8 - Buka Blahi Ka Cheke Holo

⁸ Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Taetus 2:8 ပူးပေါင်းရင်းမြစ်များ

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Ululahu Timoti 6:3

Keha naiknore funu farirhiu glepo te jafra fara nei theome leghuni thofno nogna farirhiu tutuani noda Lord Jisas Kraes nei nogna farirhiu khiloau na.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Nehemaea 5:9

Aonu iara ne cheke eghu, “Unha te eni ghotilo igne theome doglo! Te keli na ghotilo jame ghatho tahuni God, eghuteuna leghuni mana mala theome famamaja ghita naikno bongihehe te naoka ka tahati igre.

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Luku 13:17

Kate cheke eghu mae Jisas na, mae teke buiburini mana re ne mamaja nodi fara. Eghuteuna naiknore ne kafe gleale'a fara ka glepo te keli teke edi mae Jisas re.

Nonomho Te Keli Teke Risoi Mae Mak 12:34

Mae Jisas filoni mae igne thono lalase fara ne famane cheke tughu. Aonu mae Jisas ne cheke eghu ka mana, “Ghema, iagho gne namo fara te mala ruma baludi naikno God te funei frunidire.” Ke leghugna igne theo kaisei mae te franeni mae Jisas te ghusnani mana na.

Nonomho Te Keli Teke Risoi Mae Mak 12:32

Mae velepuhigna vetula nogna mae Moses igne ne cheke eghu ka mae Jisas, “Mae Velepuhi, thono doglo fara unha te chekedi iagho re. Kaisei God ngala te funei na, nu theo kaisei God te au na.

Nonomho Te Keli Teke Risoi Mae Mak 12:28

Kaisei mae velepuhigna vetula nogna mae Moses ne mei ka mae Jisas. Mana ne nomhini te famane cheke tughu fadoglo mae Jisas ka nodi gusna mae Sadiusi kate faphoaphola mana baludi mare. Aonu mana ne ghusna eghu ka mae Jisas, “Velepuhi, vetula aheva gne te biꞌo tulao ka nogna vetula mae Moses igre?”

Nonomho Te Keli Teke Risoi Mae Mak 12:17

Mae Jisas ne cheke eghu ka mare, “Uve, tusu fapulo ka mae Sisa unha teke nogna mae Sisa na, eghuteuna ke tusu fapulo ka God unha teke nogna God na eghu.” Kate nomhini mare cheke tughu mae Jisas igne, mare ne thono jaglo nodi fara ka mana.

Taetus 3:14

Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.