Taetus 2:14 - Buka Blahi Ka Cheke Holo

¹⁴ Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Taetus 2:14 ပူးပေါင်းရင်းမြစ်များ

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Nodi Khoje Hatimare Mae Jiu 130:8

Uve, mana ginauna na fakarhi ghita tahati nogna naikno mana te au agne Israel ra ka nakhiboda fateote'o.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Diutronomi 26:18

Lord chekeni te gognarogne ghotilo nogna naikno mana, ghotilo thofno nogna naikno thegna mana, jateula teke nhaꞌa chekeni hi mana ia eghu. Eghuteuna mana chekehi ka ghotilo mala leghudi nogna vetula mana re.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Taetus 2:7

Jaola, iagho themu na mala edila glepo te keli igre mala filo leghu nigho goro mae majaghani are. Nu kate farirhiudi iagho naiknore, iagho famane gaoghatho fakeli ngau eghu.

Ululahu Timoti 6:18

Timoti, iagho cheke faheta ka mare mala edi mare glepo te kelire, eghuteuna sasaꞌa mala toghodi keha naiknore nei tufa unha te au ka mare. Nafnata gloku te keli igre ngala, jateula te nodi dedei mare na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Profet Esikiel 37:23

Mare ginauna na theome tarai ka mumuju ba edi glepo te theome magnahaghedi iara re. Iara ginauna hata fadelei nakhibodi re mala gae, eghuteuna iara ginauna bara fothidi ka gobigna lepo te thona ka tathagu iara na. Mare ginauna nogu naikno iara, eghuteuna iara nodi God mare.

Nodi Khoje Hatimare Mae Jiu 135:4

Lord neke vahini vikegna mae Jekop mala nogna naikno mana. Uve, mana la vahidihi naiknodi Israel mala thofno nogna naikno mana.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Ululahu Timoti 2:10

Nu rehati te leghuni chekegna God na mala fakhuakhudadi thedi kate eni unha gloku te keli na.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Mae Khuru 15:14

Mae Simon la toutonuhi ka tahati eigna nogna namha God ranghidi iheire te theome Jiu. God na la kulu vavahi keha naikno igre mala nogna thegna.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Malakai 3:3

Eghume mana na jateula tuana eghu na fatedi mae pris igre mala gae, eghuteuna mare ginauna hogri nagnafa mala atha mae pris fafara gano te keli ka puhi te doglo.

Naba 25:13

Nogu nhaꞌa cheke iara na igne, mana nei iheire naikno te ginau karha mei ka tharaknagna mana re, mare ginauna na mae pris fabrahu. Iara eni nhaꞌa cheke igne naugna mana ne tirognadi keha god are ne ghatho tahu ghau iara, te nogna God na. Eghuteuna mana eni igne mala atha koko nakhibomi ghotilore.”

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Jone 1:9

Nu te cheke thakledi tahati ka God nakhibodare, mana ginauna hata fadeleidi. Tahati fatutuani ni God te eni unha te doglo na. Eghume mana ginauna na hata fadelei nakhiboda nei fagae ghita ka thua najafra fateo.

Levitikas 25:41

Aonu ka Finogha igne, mana baludi thugna re mala snagla ke pulo ka thabukna gna na, nei ka nodi glose na.