Taetus 1:15 - Buka Blahi Ka Cheke Holo

¹⁵ Mae ihei te famane keli u gaoghathogna na ke ulugna God na mana filo glanidi gobigna lepo te kelire. Nu eigna mae ihei te theome keli ke ulugna God nu theome fatutuani ni mae Jisas Kraes teuna, mana theome tangomana te filo glani kaisei glepo te keli na. U nafnata naikno tuana au u gaoghatho te diꞌa nu u glalase eigna God na theome keli kolho ka mana.

Taetus 1:15 ပူးပေါင်းရင်းမြစ်များ

Proveb 21:4

Naikno te eni puhi te diꞌa na, mana fahaehaghe nei filo faparidi eghu keha naiknore. Eghume nakhibo na fodu ka thiꞌagna mana na.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Profet Hagae 2:13

Mae Hagae neke fapea ghusna eghu ka mare, “Jame kaisei mae habo ka thinigna mae te lehehi na, eghuteuna habo ka kaisei gano, ba gano igne na theome klino ka tathagna God na?” Mae pris igre ne cheke eghu ka mana, “Uve, theome klino!”

Matiu 15:18

Nu unha te chekeni mana ka foflogna na, jifla mei unha teke ghathoni mana ka nagnafagna na. Glepo igre te fathonani mana ke ulugna God na.

Mae Khuru 10:15

Nu naogla na neke cheke eghu fapulo ka mae Pita, “Ghema, God neke chekedi glepo igre e gae. Eghume thosei chekeni iagho ne thona teuna.”

Letas Teke Riso Tei Mae Pol Ka Khiloau Rom 14:14

Eigna iara kaisei balugna nogu Lord Jisas, iara thofno laseni te theo kaisei gano te ima tahati te mala tapla jafra ke ulugna Lord na. Nu jame ihei te ghathoni keha nafnata ganore te blahi te mala ima na teuna, nabagna na mana thosei ima gano tuana.

Letas Teke Riso Tei Mae Pol Ka Khiloau Rom 14:20

Thosei snakredi gano te ima ghotilo re mala roꞌeni nogna gloku God na. Nafnata gano te gnafare, kafe keli mala ima ngala. Nu jafra jame te ima ghotilo gano te theome keli ka gaoghathodi keha naiknore nei fadiꞌani nodi fatutuani na.

Letas Teke Riso Tei Mae Pol Ka Khiloau Rom 14:23

Nu ihei te ghatho peapea eigna gano te ima mana na, mana jafra fara, naugna mana neke theome fatutuani ne doglo teuna. Eigna te theome raꞌe fatutuani ghotilo unha te eni te doglo ke ulugna God ba te theo na, tuana kaisei nakhibo ngala.

Ululahu Korin 10:23

Tutuani fara keha naikno ka ghotilo cheke eghu, “Iara tangomana te eni unha te magnahagheni thegu na.” Nu gobigna lepo igre theome tangomana te mala togho ghita nei mala fakeli ghita teuna.

Ululahu Korin 10:25

Tutuani, tahati tangomana te ima gano teke foli ka maket na. Thosei ghusnani unha teke eni mare ka nafnata gano igne te mala laseni iagho te jafra mala ima na.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Ululahu Korin 8:7

Nu neuba ngau, keha naiknore theome kafe lase fakelini mumuju na, eigna mumuju na theome god tutuani. Naugna kate ima gano teke fafara ka mumuju na, mare ghaoghathodi na jateula te fafaradi thedi eghu ka nodi mumuju mae bongihehe tifa ra. Gaoghathodire theome heta kolho, eghuteuna gano teke fafara ka mumuju igne fathonadi kolho mare.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.