Letas Teke Riso Tei Mae Pol Ka Khiloau Rom 9:8 - Buka Blahi Ka Cheke Holo

⁸ Gaoghathogna cheke igne, theome naikno te gnafa ka vikegna mae Ebraham te karha mei ka puhidi goro sua te goro thugna God re, nu naikno te karha mei leghuni nogna nhaꞌa cheke God na te thofno thugna Ebraham re.

Letas Teke Riso Tei Mae Pol Ka Khiloau Rom 9:8 ပူးပေါင်းရင်းမြစ်များ

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Letas Teke Riso Tei Mae Pol Ka Khiloau Rom 8:14

Tutuani, iheire te snakreni Tharunga gna God te batudire, mare goro thugna God.

Nodi Khoje Hatimare Mae Jiu 87:6

Lord ginau rioriso soru ka buka nanghadi keha vikere mala kaha fodu baludi naiknodi Jerusalem.

Nodi Khoje Hatimare Mae Jiu 22:30

Naikno te theome karha nga teu ra ginauna mala loku ranghi nigho. Mare ginauna na toutonu eimu iagho ranghidi naikno nate karha mei teu thogheiro.

Jenesis 31:15

Mama gne jateula thau te phosa eghu ghami kolho ghepa ka gaoghathogna na. Iagho neke foli ghamihi ghepa, eghuteuna mama la koko fahui hila glepo tura eghu.

Diutronomi 14:1

Mae Moses ne cheke eghu, “Ghotilo thugna Lord nomi God. Eghume kate lehe kaisei naikno na, ghotilo thosei vahe thinimi themi are, ba ghoighori khakla ka greremi are eigna te lehe naikno na.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.