Letas Teke Riso Tei Mae Pol Ka Khiloau Rom 9:5 - Buka Blahi Ka Cheke Holo

⁵ Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Letas Teke Riso Tei Mae Pol Ka Khiloau Rom 9:5 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:25

Mare tirodi fatutuani ni chekegna God te tutuani na, eghuteuna mare fatutuanidi kolho thoutonu te chaichaghire. Jaola, mare tufru sorudi nei loku ranghidi eghu glepo teke vuavuha God re. Nu mare ghatho ihoni te tufru soruni nei loku ranghini teu God mae ihei teke vuavuhadi gobigna lepo igre. God mae ihei naiknore naba te cheke fakelini tifa te tifa. Amen.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Jone 10:30

Uve, ghepa mae Mama na kaisei ngala.”

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Letas Teke Riso Tei Mae Pol Ka Khiloau Rom 1:3

U Nonomho te Keli igne eigna Thugna Jisas Kraes noda Lord. Mana neke karha mei ka vikegna mae King Devet. Eghuteuna mana mae blahi jateula God eghu, eghuteuna God neke fakarha fapuloni mana ka nogna nolaghi biꞌo na nei mala laseni naiknore mana te thofno Thugna God na.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Fapea Korin 11:31

God nei Kmagna noda Lord Jisas Kraes laseni te theome chaichaghi iara na. Tahati cheke fakelini nanghagna mana na tifa tifa!

Letas Teke Riso Tei Mae Pol Ka Khiloau Rom 11:28

Naugna mae Jiu gre mare tirodini u Nonomho te Keli na, mare nogna naoka God. Eghuteuna igne togho ghami ghotilo iheire te theome Jiura. Nu naugna nogna nhaꞌa cheke teke eni mana ka mae ku'edi mae Israel ra, God namhadi fara iheire mana teke vahidi.

Letas Teke Riso Tei Mae Pol Ka Khiloau Rom 10:12

Naugna mae Jiu gre mare theome nhogri ka mae te theome Jiu gre. Tahati te gnafa na kaisei noda Lord ngala, mana tangomana te tusu lao glepo te keli ka iheire fateo te tore ka mana te mala toghodi na.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Nodi Khoje Hatimare Mae Jiu 106:48

Tahati cheke fakelini Lord, mae ihei te noda God tahati naiknoda Israel! Uve, tahati cheke fakelini mana gognaro gne nei tifa tifa! Ghotilo te hui na cheke eghu, “Amen!” Cheke fakelini Lord!

Nodi Khoje Hatimare Mae Jiu 103:19

Lord, mae ihei te gnokro teu ka sape nafnakno kligna na, mana ngala te funei frunidi gobigna lepo te au ka nauthoglu igne ba ka maloa kligna.

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Fapea Timoti 2:8

Thosei ghatho ihoni mae Jisas Kraes teke karha mei ka vikegna King Devet, eghuteuna mana teke karha fapulo ka glehe. Igne u Nonomho te Keli te toutonuni iara na.

Ululahu Timoti 6:15

God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Nodi Khoje Hatimare Mae Jiu 89:52

Tahati cheke fakelini Lord tifa tifa! Amen! Amen!

Ululahu Kronikols 16:36

Tahati cheke fakelini Lord noda God tahati naiknoda Israel! Uve, tahati cheke fakelini mana gognarogne tifa tifa!” Eghuteuna naiknore ne kafe cheke eghu, “Tutuani fara!” ghe “Cheke fakelini Lord!”

Ululahu Kings 1:36

Eghuteuna mae Benaea ne cheke eghu, “Amen! Ghehati magnahagheni nou Lord God te eni unha te chekeni iagho igne.

Thakle 5:14

Aonu ka vido tuana fati glepo te karha igre ne cheke eghu, “Amen!” Eghuteuna hatimare mae biꞌo ka khiloaure turupuku ne pogho soru ka phiamare.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Jeremaea 28:6

“Tutuani fara! Iara magnahagheni Lord te eni jateula te chekeni iagho igne teuna! Thofno keli fara jame te eni Lord unha te chekeni iagho igne mala ke atha fapulo glepo gna Sugablahi te au teu Babilonia baludi naikno teke atha fajifladi mare ka namono igne ra.

Diutronomi 10:15

Neuba, mana namhadi fara thilo kuꞌemi ghotilo ra, Ebraham, nei mae Isak, nei mae Jekop. Eghuteuna mana theome magnahaghedi keha naiknore ka nauthoglu igne, nu mana neke vahi ghami ghotilo iheire teke karha mei ka vikedi thilo mae igre. Eghuteuna gognarona ghotilo nogna naikno mana.

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Hibru 7:24

Nu mae Jisas na karha fabrahu. Eghume, mana theome gnafa te eni nogna gloku mae pris na.

Luku 20:44

Mae Devet ne kiloni mae Mesia gne nogna ‘Mae funei’. Nu mae Mesia na jaola vikegna mae Devet. Faꞌunha ne kafe tutuani si phei glepo igrea?”