Letas Teke Riso Tei Mae Pol Ka Khiloau Rom 9:32 - Buka Blahi Ka Cheke Holo

³² Naugna unha ne theome thokeni nga mare? Mare theome thokeni igne naugna mare ne fariuriu doglo ka tathagna God na ka unha te edi thedire, nu theome lelheghu ka fatutuani neu. Mare uka ka thina te faꞌukadi naiknore igne,

Letas Teke Riso Tei Mae Pol Ka Khiloau Rom 9:32 ပူးပေါင်းရင်းမြစ်များ

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Letas Teke Riso Tei Mae Pol Ka Khiloau Rom 11:11

Eghume te ghusnani iara na, ba, kate uka mae Jiu gre, mare la uka fadiꞌa fabrahuhi sigrea? Theo! Nu God neke hata nodi najafra mae Israel gre mala hata mei karha ka iheire te theome Jiu mala goghotu mae Israel gre ka mare.

Luku 7:23

Eghume, ihei te maku fabrahu ka iara nogna fatutuani na, mana ginauna na gleale'a fara.”

Letas Teke Riso Tei Mae Pol Ka Khiloau Rom 10:3

Mare theome filo glanini puhigna God te mala toghodi naiknore te mala au doglo ka tathagna mana na. Mare fariuriu leghuni kolho unha te magnahagheni thedi na, eghuteuna mare theome snakreni God mala toghodi ka puhi te mala au doglo ka tathagna God na.

Letas Teke Riso Tei Mae Pol Ka Khiloau Rom 4:16

Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Matiu 13:57

Aonu naiknore ne filo faparini kolho mana. Mae Jisas ne cheke eghu ka mare, “Kmana naikno heva te heva na ghatho tahuni nogna mae profet God na. Nu iheire te au ka namonogna nei vikegna teu thegna mana re tirodi ghatho tahuni mana.”

Profet Isaia 8:14

Iara jateula nomi vido keli mala poru eghu ghotilo tagna. Nu iara ginauna jateula kaisei thina biꞌo eghu ka phei vikedi Israel ghe Juda igre mala tothokei ghahedire mala uka mare pari. Iara ginauna na jaola jateula kaisei phighoro eghu mala fakhaledi mare. Eghuteuna kmana naiknodi Jerusalem ginauna uka tagna.

Profet Isaia 8:15

Kmana naikno ginauna uka klopa ka thina igne. Uve, kmana naikno ginauna khale ka phighoro igne na theome tangomana na teke jifla mei na.”

Ululahu Pita 2:6

Glepo igre tutuani fara, naugna grioriso te blahi na cheke eghu, “Iara vavahi kaisei thina te keli fara mala fakegra hagheni jateula kaisei thina te ulu tulao ka Sugablahi Jerusalem. Eghuteuna ihei te fatutuani ni mana na, mana ginauna theome mamaja.”