Letas Teke Riso Tei Mae Pol Ka Khiloau Rom 9:30 - Buka Blahi Ka Cheke Holo

³⁰ Igne unha te chekeni ghehati na. Neuba iheire te theome Jiu neke theome fariuriu hironi kaisei nabrou te doglo ka tathagna God na, mare la doglohi ka tathagna God na naugna mare neke fatutuani ni mae Jisas kolho.

Letas Teke Riso Tei Mae Pol Ka Khiloau Rom 9:30 ပူးပေါင်းရင်းမြစ်များ

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Galesia 2:16

Ghehati laseni naikno na theome doglo ke ulugna God kate leghuni nogna vetula mae Moses na, nu iheire ngala te fatutuani ni mae Jisas Kraes. Ghehati mae Jiu jaola fatutuani ni mae Jisas Kraes, eghume God neke fadogli ghami ghehati ke ulugna mana. Mana neke theome fadogli ghami ghehati kate leghuni nogna vetula mae Moses. Theo. Mana neke eni igne naugna ghehati neke fatutuani ni mae Kraes. Naugna theo kaisei naikno te doglo ke ulugna God eigna mana te leghuni vetula na.

Letas Teke Riso Tei Mae Pol Ka Khiloau Rom 4:11

Kani theome tohi fagaglana nga teku na, mae Ebraham neke fatutuani ni God. Eghuteuna God filo glanini mae Ebraham jateula kaisei mae te doglo. Ke leghugna igne, mae Ebraham neke hata fagaglana gna tohi fagaglana jateula kaisei thotoghale eigna te mae doglo mana na. Naugna igne, mae Ebraham gne kafe ku'edi naikno te theome tohi fagaglana re, nu fatutuani ni God eghuteuna God ne filo glanidi jateula naikno te doglo.

Galesia 5:5

Nu ka nogna thotogho mae Tharunga te Blahi na, ghehati ronuni fara God mala fadoglo ghami ke ulugna mana ginauna.

Letas Teke Riso Tei Mae Pol Ka Khiloau Rom 10:20

Mae Isaia frane fara neke cheke eghu chekegna God na, “Iheire teke theome hiro ghau iara re mare nake filo deni ghau iara. Iara neke falalase ghau thegu ka iheire te theome ghusna ghau iara te mala toghodire.”

Letas Teke Riso Tei Mae Pol Ka Khiloau Rom 10:6

Nu igne unha te chekeni ka u grioriso te blahi eigna puhi fatutuani te mala toghodi naiknore te mala au doglo ka tathagna God na, ne cheke eghu, “Thosei cheke eghu ka nagnafamu na, ‘Ihei nate haghe kligna na?’ ” Gaoghathogna na, “Mae ihei nate haghe kligna te mala hata soruni mae Kraes na?”

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Galesia 3:24

U vetula na neke saghe leghu ghita fabrahu neke ghilei posa mei mae Kraes. Kate mei mae Kraes na, tahati tangomana te fatutuani ni mana, eghuteuna tahati doglo ke ulugna God.

Galesia 3:8

Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.”

Letas Teke Riso Tei Mae Pol Ka Khiloau Rom 10:10

Naugna te fatutuani tahati ka nagnafada na, God na togho ghita mala au doglo ka tathagna thegna na. Eghuteuna te cheke thakleni tahati noda fatutuani na, God ginauna na fakarha ghita.

Letas Teke Riso Tei Mae Pol Ka Khiloau Rom 9:31

Nu naiknodi Israel, te fariuriu leghuni nogna vetula mae Moses na mala doglo ka tathagna God na teuna, mare na theome doglo ka vetula na.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Letas Teke Riso Tei Mae Pol Ka Khiloau Rom 4:22

Eghuteuna ka nogna fatutuani mae Ebraham na, mare ne rioriso eghu ka buka te blahi na, “God filoni mana jateula kaisei mae te doglo eghu.”

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Letas Teke Riso Tei Mae Pol Ka Khiloau Rom 4:9

Ba, puhi te mala au gleale'a ke ulugna God igne maladi mae Jiu kolho? Theo. Mala dila iheire te theome mae Jiu. Tahati filonihi ka grioriso te blahi na ne cheke eghu, “Mae Ebraham na neke fatutuani ni God. Naugna igne God neke filo glanini mae Ebraham jateula kaisei mae te doglo.”

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Proveb 21:21

Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.