Letas Teke Riso Tei Mae Pol Ka Khiloau Rom 9:27 - Buka Blahi Ka Cheke Holo

²⁷ Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Letas Teke Riso Tei Mae Pol Ka Khiloau Rom 9:27 ပူးပေါင်းရင်းမြစ်များ

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Esikiel 6:8

“ ‘Nu iara ginauna theome snakredi mare te kafe lehe na. Iara ginauna brue fajifladi keha ka mae te karha nga teu igre mala tei au tafri kolho ka keha kantri delei.

Profet Jeremaea 5:10

“Iara cheke ranghi ghami ghotilo mae naokara te mala haghe goigonidi nodi nagare grep naikno igre. Nu thosei goigoni fahui eghu. Kato koko gregedi gaju grep te gnafa are, naugna grege tuare theome nogu iara.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Profet Isaia 24:13

Tutuani, igne unha nate thoke mei heva heva ka nauthoglu igne. Eghuteuna nauthoglu igne ginauna na jateula nagare gaju oliv te pulei fateo sisigna ra eghu. Ba ginauna na jateula nagare gaju grep te hata fateo sisi te kelire teke lisei faleghu keha maladi naikno te kuma teku ra.

Profet Isaia 1:1

Cheke igre, Lord neke cheke mei ka Profet Isaia, thugna mae Emos, mala cheke mana ranghidi naiknodi Jerusalem ghe Juda. Profet neke chekedi cheke igre ka naranegna King Iusaea, King Jotam, King Ehas nei King Hesekaea. Mae igre neke king ka kantri Juda.

Esra 9:14

Ba, keli kolho te theome leghudi ghehati nou cheke iagho re te tolaghi ka naikno bongihehe te thono diꞌa fara puhidi igre? Theo! Jame te eghu ghehati na, iagho ginauna diꞌatamu fara ka ghehati, aonu iagho ginauna aknu falehe ghami ghehati hui, eghuteuna theo kaisei ka ghehati nate karha na.

Esra 9:8

“Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.

Profet Jeremaea 44:14

Theo kaisei naikno gna Juda te mei au Ijep igre nate rikha, ba nate karha teke figri Juda na. Neuba mare ne magnahaghei fara teke figri na, keha naikno ghu kolho nate rikha teke figri na.’ ”

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”