Letas Teke Riso Tei Mae Pol Ka Khiloau Rom 9:20 - Buka Blahi Ka Cheke Holo

²⁰ Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Letas Teke Riso Tei Mae Pol Ka Khiloau Rom 9:20 ပူးပေါင်းရင်းမြစ်များ

Profet Isaia 29:16

Nu nomi gaoghatho ghotilo igne figri fadiꞌa gobigna lepo igre. Unha gne te ulu ka phei glepo igre? Suspen gne ba naikno teke hohorogna suspen tuana? Ba? Glepo teke hohoro mana igne tangomana te cheke eghu ka naikno na, “Thosei hohoro ghau iara?” Suspen na theome tangomana te cheke eghu ka mae teke hohorogna na, “Iagho theome laseni kaisei glepo!”

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Thoutonu Eigna Mae Job 33:13

Ba, iagho cheke faparini God, naugna mana ne theome cheke tughuni nou khuru cheke na?

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Thoutonu Eigna Mae Job 16:3

Niha nau gnafadi re nomi cheke ghotilo te theo nafudi igre? Unha site edi ghotilo te cheke mei ka iara gnea?

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Ululahu Korin 1:20

Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Thoutonu Eigna Mae Job 40:8

“Ba, iagho magnahaghei te falalase ne jafra iara, eghuteuna chekeni ne doglo iagho teuna?

Thoutonu Eigna Mae Job 36:23

Theome tangomana kaisei naikno te cheke ranghini God te mala eni unha te magnahaghedi naiknore. Eghuteuna jaola theome tangomana kaisei naikno te laseni aheva teke eni God glepo te diꞌa na.

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Taetus 2:9

Chekedi mae sneka are mala nomhidi koba nodi cheke mae funeire. Te eni mare igne na, nodi mae funeire na keli tadi fara. Thosei ke cheke fapulo ba blau ka nodi glepo mae funei dire eghu, mala tangomana nodi mae funeire te au nodi grouronu ka nodi mae snekare. Glepo igre jame teke edi hatimare mae snekare, mala famane falalase ka naiknore u farirhiu te keli eigna God mae Fakarhaida ka gobigna lepo te edi mare re.

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Thoutonu Eigna Mae Job 40:5

Phei thilo fata iara neke cheke, nu gognarona iara theome cheke.”

Ululahu Korin 7:16

Iara chekeni igne ka ghotilo gaꞌase khiloau ba nalhaꞌu khiloau ra mala au fodu fabrahu baludi khetomire. Naugna ghotilo ginauna jau theome laseni te fakarhidi khetomi te theome fatutuanire.

Fapea Samuel 16:10

Nu mae Devet ne cheke eghu ka phei mae thabusigna igre, mae Abisae ghe mae Joab, “Ghopa thosei nanga nomi ka puhi igne! Jame te cheke Lord ka mana mala cheke fadiꞌa ghau iara tekuna, ihei gne te au nogna nolaghi te mala lhotini mana na? Theo kolho.”

Thoutonu Eigna Mae Job 9:32

“God na theome naikno jateula iara eghu, eghume iara theome tangomana te fapholai ka mana, eghuteuna ghepa theome tangomana te tei ka fate te mala fadoglini nomi fapholai ghepa na.

Profet Isaia 10:15

Nu Lord ne cheke eghu, “Ba, nhirama gne te fagrofo gaju na, ba naikno te kato gne? Ba, soa gne te alha gaju na, ba naikno te loku soa gne? Ba, khodo gne te lokuni naikno na, ba naikno gne te loku ka khodo igne?”

Profet Jeremaea 18:6

“Ghotilo naiknomi Israel! Theome tangomana iara te eni ka ghotilo unha te magnahagheni iara na, jateula mae ihei te horo suspen ka glose leghuni unha te magnahagheni mana na neu si ghotilo ia? Theo fara, ghotilo au ka khamegu iara kolho, jateula glose te au ka khamegna mae te mala horo suspen ia eghu.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Luku 12:14

Nu mae Jisas ne cheke eghu ka mana, “Ghema! Iara theo nogu nolaghi te mala mei tufa glepo farihoteimi ghopa na.”

Letas Teke Riso Tei Mae Pol Ka Khiloau Rom 2:3

Nu ghotilo edi koba la glepo te fatedi ghotilo keha naikno gre! Ba, gaoghathomi na theome fate ghami God ginauna neu si ghotilo ia? Theo! God ginauna fate ghami!

Letas Teke Riso Tei Mae Pol Ka Khiloau Rom 9:21

Mae ihei te hohorodi taperare mana hohoro leghuni unha te magnahagheni thegna na. Mana tangomana te hohoro phei nafnata glepo ka kaisei naphuki glose ngala. Mana tangomana te hohoro kaisei tapera nabagna narane te ulu, eghuteuna keha tapera na nabagna mala leghu narane kolho.

Letas Teke Riso Tei Mae Pol Ka Khiloau Rom 9:22

Unha te eni God na jateula tuana eghu. Mana magnahaghei te falaseni nogna diꞌatagna na mala laseni naiknore nogna nolaghi na. Nu mana loku famaku diꞌatagna na ka naikno naba te mala roꞌedi mana kate diꞌatagna na.

Letas Teke Riso Tei Mae Pol Ka Khiloau Rom 14:4

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.

Fapea Timoti 2:20

Keha tapera te au ka suga biꞌo na mare horo ka gol ba silva, eghuteuna keha tapera re mare horo ka gaju ba glose. Kehare maladi narane te ulu, eghuteuna kehare maladi fiti narane kolho.