Letas Teke Riso Tei Mae Pol Ka Khiloau Rom 9:2 - Buka Blahi Ka Cheke Holo

^2-3 Igne te chekeni iara na. Iara tahu fara gaoghathogu na, eghuteuna iara diꞌanagnafagu koba naugna mae Jiu, mae ihei te kheragu thofno iara nei thofno vikegu iara teuna, theome fatutuani ni mae Jisas. Iara magnahagheni God te mala para ghau iara nei hata fajifla ghau ka Kraes, jame tangomana te toghodi mae Jiu gre mala fatutuani ni mana.

Letas Teke Riso Tei Mae Pol Ka Khiloau Rom 9:2 ပူးပေါင်းရင်းမြစ်များ

Filipae 3:18

Iara chekeni igne ka ghotilo, naugna kmana naikno chekeni koba ne fatutuani ni mae Kraes teuna, nu theome tutuani eghu, naugna nakarhadire thono diꞌa fara ngala. Iara neke chekehi ka ghotilo eidi naikno igre tifeiro. Eghuteuna iara gognaro na nake chekei ngala ka ghotilo balu tanhi eidi naikno igre, naugna mare naoka eigna gaju fafatha nogna Kraes.

Lamentations 3:51

Kate filoni iara puhi biꞌo te thokedi goro gaꞌasegna namono Jerusalem, iara ne thofno diꞌanagnafagu fara ne tanhi fabiꞌo.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Profet Isaia 66:10

Ghotilo iheire te magnahagheni Jerusalem fara ra, ghotilo eha nei glealeꞌa eghu. Ghotilo iheire te tanhi nei diꞌanagnafa teu eigna namono igne ra, gognarona ghotilo glealeꞌa nomi fara tagna.

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Letas Teke Riso Tei Mae Pol Ka Khiloau Rom 9:1

Iara cheke kate tutuani fara, naugna iara nogna naikno Kraes. Eghuteuna Tharunga te Blahi te au ke balugu iara na funei frunini gaoghathogu iara na. Mana na cheke faheta ka gaoghathogu iara na eidi cheke nate edi iara gre tutuani fara.